Петӧм 6:1 - Коми Библия 2023

¹ Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Петӧм 6:1 Referans Kwoze

Петӧм 12:33

Египетсаяс тшӧктісны Израиль войтырлы ӧдйӧджык петны Египет муысь. Найӧ шуалісны, ставным пӧ ми кулам.

Петӧм 12:39

Египетысь петкӧдӧм кӧтасысь израильсаяс пӧжалісны шомтӧм нянь, ӧд сійӧ эз на удит шоммынысӧ, кор найӧс тэрмӧдлӧмӧн вӧтлісны Египет муысь. Найӧ эз слӧймыны весиг дасьтыны сёян, мед босьтны туяныс.

Петӧм 12:31

Войнас фараон корис Мӧисейӧс Ааронкӧд да шуис налы: «Петӧй менам войтыр пӧвстысь ті да став Израиль войтырныд! Мунӧй, юрбитӧй Господьлы [асланыд Енлы], кыдзи ті и коринныд.

Индӧд 32:39

Видзӧдӧй, тайӧ – Ме, Ме – Енмыс, Меысь кындзи мӧд Енмыс абу. Ме виа и олӧм сета, Ме дойдала и бурдӧда. Менам киысь некод оз мезды.

Петӧм 11:1

Господь шуис Мӧисейлы: «Нӧшта ӧти бырӧдантор Ме мӧдӧда фараон да Египет вылӧ. Та бӧрын фараон лэдзас тіянӧс, сійӧ вӧтлӧмӧн вӧтлас тіянӧс.

Исай 63:12

Кӧні Сійӧ, коді нуӧдіс Мӧисейӧс Аслас вына кинас? Кӧні Сійӧ, коді шӧри поткӧдіс саридзсӧ Аслас войтыр водзын, медым нимӧдны Асьсӧ нэмъяс чӧж?

Псалтыр 89:13

Господьӧй, дыр-ӧ на виччысьнысӧ? Бергӧдчы миянлань, ло бур сьӧлӧма Аслад кесйӧгъяс дінӧ.

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

2 Каднебӧг 20:17

Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

Ӧксыяслӧн 4 небӧг 7:19

Но ӧксылӧн видзьысьыс шуліс Енлӧн мортлы: «Весиг кӧ Господь енэжвыв ӧшиньяссӧ восьтас, тадзи оз вермы лоны». Сэки Елисей шуліс сылы: «Тэ аслад синмӧн тайӧс аддзылан, но сёйнысӧ он кут».

Ӧксыяслӧн 4 небӧг 7:2

Тышкайӧзӧн веськӧдлысь, коді видзис ӧксыӧс, шуис Енлӧн мортлы: «Весиг кӧ Господь енэжвыв ӧшиньяссӧ восьтас, тадзи оз вермы лоны». Елисей шуис сылы: «Тэ аслад синмӧн тайӧс аддзылан, но сёйнысӧ он кут».

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Лыд 23:23

Яков рӧдлы паныд туналӧмыс оз ин, Израиль войтырлы паныд тшыкӧдӧмыс оз во. Ас кадӧ шуасны Яков-Израиль йылысь: «Со мый вӧчӧ Енмыс!»

Петӧм 14:13

Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Ап. уджъяс 13:17

Израиль войтырлӧн Ен бӧрйис миянлысь батьяснымӧс, рӧдмӧдіс тайӧ войтырсӧ Египет муын да вына кинас петкӧдіс найӧс сэтысь.

Петӧм 7:4

Фараон оз кывзы тіянӧс. Сэки Ме лэпта киӧс Египет му вылӧ да чорыда мыжда сійӧс, а Израиль войтырӧс, Ассьым тышкайӧзӧс, Ме петкӧда сэтысь.

Петӧм 7:5

Кор Ме лэпта киӧс Египет вылӧ да петкӧда сэтысь Израиль пиянӧс, сэки египетсаяс тӧдмаласны, мый Ме – Господь».

Петӧм 15:6

Господьӧй, Тэнад веськыд киыд ошкана да вына, Тэнад веськыд киыд, Господьӧй, пасьвартіс паныд сувтысьӧс.

Петӧм 13:9

Тайӧ тшӧктӧмыс мед лоӧ ки вылад да плешкад пуктӧм пас кодь, медым тэ эн вунӧд Господьлысь Индӧдсӧ, ӧд Господь [Ен] вына кинас петкӧдіс тэнӧ Египетысь.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Петӧм 13:16

Мед тайӧ тшӧктӧмыс лоас ки вылад да плешкад пуктӧм пас кодь, ӧд Господь Аслас вына кинас петкӧдіс миянӧс Египет муысь».

Лыд 11:23

Господь шуис Мӧисейлы: «Менам киӧй ӧмӧй оз вермы отсавны? Талун тэ аддзан, инас-ӧ Менам кывйӧй».

Псалтыр 12:6

Тэнад буралӧмыд вылӧ ме лача кута, нимкодяся, мый Тэ мездан менӧ. Кута сьылӧмӧн ошкыны Господьӧс меным бурсӧ вӧчӧмысь. [Кута сьывны Медвылысса Господьлӧн нимыслы.]