Петӧм 5:6 - Коми Библия 2023

⁶ Израиль войтырӧс уджӧдысь-нартитысьяслы да удж бӧрся видзӧдысьяслы фараон сійӧ жӧ луннас шуис:

Петӧм 5:6 Referans Kwoze

Петӧм 5:19

Удж бӧрся видзӧдысь израильсаяс кор кылісны, мый кирпичсӧ быд лун колӧ вӧчны сы мында, мыйта вӧчлісны водзынджык, сэки гӧгӧрвоисны, кутшӧм сьӧкыд олӧм найӧс виччысьӧ.

Петӧм 5:10

Уджӧдысь-нартитысьяс да удж бӧрся видзӧдысьяс шуисны Израиль войтырлы: «Фараон шуис, мый оз кут сетны тіянлы идзас.

2 Каднебӧг 26:11

Озейлӧн вӧліны тышкайӧз, кодъяс петлісны тышӧ котыръясӧн. Налысь лыдсӧ арталісны-гижалісны Евэл нима гижалысь да Маасей нима чина морт. Наӧн веськӧдліс Хананей, коді вӧлі ӧксылӧн киподувса юралысьяс пӧвстысь.

Нав Исус 24:4

Исааклы – Яковӧс да Исавӧс. Исавлы Ме вичмӧді Сеир керӧсвыв му, а Яков пияныскӧд вуджисны Египетӧ. [Сэні найӧ лоины уна лыда, ыджыд да ён войтырӧн. Египетсаяс пондісны найӧс дзескӧдны.]

Нав Исус 8:33

Став Израиль войтыр да йӧз муысь локтысьяс, войтырлӧн юрнуӧдысьяс, веськӧдлысьяс да ёрдысьяс сувтісны Господьлӧн Йитӧд куд кыкнанладорас, а на водзын сулалісны Левий чужанкотырысь куд новлӧдлысь попъяс. Войтырлӧн ӧтар джынйыс видзӧдіс Гаризим керӧслань, а мӧд джынйыс видзӧдіс Эвал керӧслань. Тадзи Мӧисей, Господьлӧн кесйӧг, коркӧ тшӧктіс бурсины Израиль войтырӧс.

Индӧд 16:18

«Быд карын, мый Господь, тіян Енныд, сетас тіянлы, индӧй чужанкотыръяслы ёрдысьясӧс да веськӧдлысьясӧс. Найӧ мед веськыда мыждасны войтырӧс.

Индӧд 1:15

Ме чукӧрті тіян чужанкотыръясысь мывкыд да [сюсь] вежӧра йӧзӧс и пукті найӧс веськӧдлыны сюрс мортӧн, сё мортӧн, ветымын мортӧн да дас мортӧн. Быд чужанкотырӧ нӧшта пукті кывкутысь йӧзӧс.

Лыд 11:16

Господь шуис Мӧисейлы: «Чукӧрт Ме дінӧ израильса юрнуӧдысьяс пӧвстысь сизимдас мортӧс, кодъяс йылысь тэ тӧдан, мый найӧ бура видзӧдӧны войтыр бӧрся. Вайӧд найӧс вежа чом дорӧ.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Шусьӧгъяс 12:10

Веськыда олысь аслас ыж-мӧскыс вӧсна тӧждысьӧ, а мыжа мортлӧн сьӧлӧмыс чорыд.

Нав Исус 24:1

Исус чукӧртіс Израильлысь став чужанкотырсӧ Сикемӧ, корис юрнуӧдысьясӧс, юралысьясӧс, ёрдысьясӧс да веськӧдлысьясӧс. Найӧ ставныс сувтісны [Господь] Ен водзӧ.

Петӧм 5:7

«Дугдӧй сетны тайӧ войтырыслы кирпич вӧчалӧм вылӧ идзассӧ, кыдзи водзын сетлінныд. Найӧ мед асьныс кутасны ветлӧдлыны да чукӧртны идзассӧ.