Петӧм 40:7 - Коми Библия 2023

⁷ Вежа чом да висьпуктанін костӧ сувтӧд мыссян доз, кисьт сэтчӧ ва.

Петӧм 40:7 Referans Kwoze

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

Титлы 3:5

Сійӧ мездіс миянӧс. Мездіс эз веськыд уджъясным серти, но Аслас буралӧмыс вӧсна. Ен мыськаліс миянӧс да сетіс миянлы выльысь чужны. Сійӧ выльмӧдіс миянӧс Вежа Ловнас.

Закар 13:1

Сійӧ лунӧ Давид рӧдлы да Ерусалимын олысьяслы воссяс ва петанін, медым мыськавны найӧс мыжысь да пежысь.

Псалтыр 26:6

Сэки ме лэпта юрӧс, ог кут повны менӧ кытшалысь вӧрӧгысь. Господьлӧн крамын вая Сылы висьяс, нимкодясьӧмӧн понда сьывны Сылы ошкӧм.

Петӧм 38:8

Безалел вӧчис ыргӧн рӧмпӧштанъясысь мыссян доз да сылысь коксӧ. Рӧмпӧштанъяссӧ сетісны вежа чом пыранінын кесъялысь аньяс.

Петӧм 40:6

Вежа чом пыранін водзӧ сувтӧд сотан висьлы висьпуктанін.

Петӧм 40:8

Йӧрсӧ тупкы дӧраясӧн, йӧр пыранінӧ тшӧтш ӧшӧд дӧра.