Петӧм 37:9 - Коми Библия 2023

⁹ Вывлань шевкнитчӧм бордъяснас херувимъяс тупкисны куд вевтсӧ да воча сулалӧмӧн видзӧдісны вевт вылас.

Петӧм 37:9 Referans Kwoze

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Филипӧ 3:8

Ставсӧ тайӧс пукта нинӧм туйӧ, ӧд Исус Кристосӧс, ассьым Господьӧс, тӧдӧм дорысь нинӧм абу ыджыдджыкыс. Кристос вӧсна эновті ставсӧ, ставсӧ лыддя ёгӧн, медым ме озырми Кристосӧн

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

Иоан 1:51

Сэсся содтіс: «Веськыда, веськыда висьтала тіянлы: ӧнісянь ті кутанныд аддзыны восьса енэжсӧ да Енлысь анделъяссӧ, кодъяс лэччӧны Морт Пи дінӧ да кыпӧдчӧны енэжас».

Исай 6:2

Сы дінын сулалісны серафимъяс. Налӧн быдӧнлӧн вӧлі квайт борд. Кык борднас найӧ вевттисны чужӧмнысӧ, мӧд кык борднас – кокнысӧ, и нӧшта кык борднас лэбалісны.

Петӧм 25:20

Вывлань шевкнитчӧм бордъяснас херувимъяс мед тупкасны куд вевтсӧ да воча сулалӧмӧн видзӧдасны вевт вылас.

Олӧм 28:12

Узигас Яков вӧтасис, мый му вылын сулаліс сод. Содйыс судзис енэжӧдз, сэті лэччисны-кайисны Енлӧн анделъяс.

Олӧм 3:24

Мортӧс вӧтлӧм бӧрын Ен сувтӧдіс Эдэм сад йӧр асыввылӧ херувимъясӧс да бергалысь биа шыпурт, медым видзны туйсӧ олӧмыслӧн пу дінӧ.

Петӧм 37:8

Ӧти херувимыс вӧлі вевт ӧтар помас, мӧдыс – мӧдар помас. Вевтыскӧд найӧ вӧліны ӧтторъяӧсь.

Петӧм 37:10

Акация пуысь Безалел вӧчис пызан: кузьтанас кык гырддза, пасьтанас ӧти гырддза, судтанас гырддза да джын.

Ӧксыяслӧн 3 небӧг 6:27

Соломон сувтӧдіс херувимъясӧс Вежасьыс-вежаинӧ. Налӧн бордъясыс вӧлі шевкнитчӧмаӧсь: ӧтиыслӧн ӧти бордйыс инмис крамлӧн ӧтар стенмас, мӧдыслӧн – мӧдар стенмас, а мӧд борднас найӧ йитчисны ӧта-мӧдныскӧд.