Петӧм 36:29 - Коми Библия 2023

²⁹ Брусъяссӧ йитісны увсяньыс да вывсяньыс. Вывсяньыс йитісны кольча бердӧ. Тадзи вӧчисны кыкнан пельӧсас.

Петӧм 36:29 Referans Kwoze

Ефесӧ 2:21

Сійӧ йитӧ Аснас став тэчассӧ, тадзи тэчасыс кыптӧ да лоӧ Господьлӧн вежа крамӧн.

Ефесӧ 2:19

Сідзкӧ, ті абу нин бокысаяс да кыськӧ локтысьяс, ті – ас йӧз вежа войтырлы да ныв-пи Енмыслы.

Ефесӧ 2:15

тадзи Аслас вир-яйнас бырӧдіс на костысь лёксьӧмсӧ. Сійӧ пуктіс пом Индӧдлы да сэтчӧ пырысь быд тшӧктӧмлы да велӧдӧмлы, медым иудейясӧс да мукӧд войтырӧс бурӧдны ӧта-мӧдныскӧд. Сійӧ йитіс найӧс Аскӧдыс да вӧчис наысь ӧти выль олысьӧс.

2 Коринфӧ 1:10

Сійӧ видзис миянӧс кулӧмысь да водзӧ на видзас. Ті кӧ отсаланныд миянлы кевмысьӧмнаныд, ми лача кутам, мый Енмыс нӧшта на видзас. Сэки унаӧн кутасны ошкыны Енсӧ миян дінӧ Сылӧн буралӧмысь.

1 Коринфӧ 12:13

Ӧд ми: иудейяс и грекъяс, кесйӧгъяс и мездлуна йӧз – ставным пыртчим ӧти Лов отсӧгӧн ӧти вир-яйӧ, ставным юим ӧти Ловсянь.

1 Коринфӧ 1:10

Вокъяс, кора тіянӧс миян Господь Исус Кристос нимӧн: ас костаныд энӧ юксьӧй, олӧй ӧти мӧвпъясӧн, ӧти видзӧдласӧн да ӧти могӧн.

Ап. уджъяс 4:32

Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

Псалтыр 133:1

Крамӧ мунігӧн сьылӧм. Ошкӧй Господьӧс, став Сылӧн кесйӧгъяс! Ошкӧй Господьӧс ті, кодъяс войся кадӧ кесъяланныд Господьлӧн крамын, [миян Енлӧн йӧръясын]!

Псалтыр 122:3

Господьӧй, бурсьӧлӧмтчы, ло бур сьӧлӧма миян дінӧ, ӧд дыр кад чӧж нин миянӧс мустӧмтӧны.

Петӧм 26:24

Йит брусъяссӧ увсяньыс да вывсяньыс. Вывсяньыс йит кольча бердӧ. Тадзи вӧч кыкнан пельӧсас.

Петӧм 36:28

Вежа чом рытыввывладор кыкнан пельӧсас вӧчисны кык брус.

Петӧм 36:30

Ставнас вӧлі кӧкъямыс брус да налы дас квайт эзысь подув: быд бруслы кык подув.