Петӧм 35:35 - Коми Библия 2023

³⁵ Господь сетіс налы мывкыдлун, медым найӧ [вежаин вӧчигӧн] кужисны вундасьны, серлӧдлӧмӧн кыны дӧра, серпасъясӧн мичмӧдны гӧрдовлӧз пемыдгӧрд, югыдгӧрд да вӧсни шабді шӧртъясысь кыӧм дӧраяс – вӧчны ставсӧ, мый кужӧны вӧчны киподтуя йӧз.

Петӧм 35:35 Referans Kwoze

Петӧм 35:31

Господь тыртіс Безалелӧс Аслас Лолӧн, сетіс сылы мывкыдлун, вежӧр, тӧдӧмлун да кужӧмлун вӧчны быдпӧлӧс уджсӧ.

Ӧксыяслӧн 3 небӧг 7:14

Сійӧ вӧлі Неффалим чужанкотырысь, дӧвалӧн пи. Батьыс сылӧн вӧлі ыргӧнысь вӧчасьысь. Хирам вӧлі зэв киподтуя, кужис вӧчавны ыргӧнысь быдсяматорсӧ. Хирам локтіс Соломон ӧксы дінӧ да вӧчис быд уджсӧ, мый сылы индыліс ӧксы.

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.

Петӧм 31:3

Ме тырті Безалелӧс Аслам Лолӧн, сеті сылы мывкыдлун, вежӧр, тӧдӧмлун да кужӧмлун вӧчны быдпӧлӧс уджсӧ.

2 Тимофейлы 2:15

Тӧждысь шогмыны Енлы, аслад уджысь эн яндысь, збыльсӧ висьтав веськыда.

Петӧм 31:6

Ме сеті сылы отсӧг вылӧ Дан чужанкотырысь Ахисамаклысь Оголиав писӧ. Став киподтуя йӧзлы Ме сеті мывкыдлун, медым найӧ кужисны вӧчны ставсӧ, мый Ме тшӧкті тэныд.

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

1 Тимофейлы 3:15

медым, падма кӧ, тэ тӧдін, кыдзи кутны асьтӧ Ен керкаын, ловъя Енлӧн вичкоын. Ӧд вичкоыс эм збыльыслӧн сюръяыс да подулыс.

Галатӧ 3:5

Енмыс ӧмӧй Индӧд серти уджъясныд вӧсна сетӧ Вежа Ловсӧ да вӧчӧ тіян пӧвстын шензьӧданаторъяссӧ? Оз ӧмӧй кывлӧм Бур Юӧрӧ эскӧмныд вӧсна?

Галатӧ 3:2

Ӧтитор кӧсъя юавны: Индӧд серти уджъясӧн али кывлӧм Бур Юӧрӧ эскӧмӧн ті сибӧдінныд Вежа Ловсӧ?

1 Коринфӧ 12:12

Босьтны кӧ мортлысь вир-яйсӧ, сійӧ артмӧма уна юкӧнысь, но ӧтвылысь найӧ артмӧдӧны ӧти вир-яй. Тайӧс позьӧ шуны тшӧтш Кристос йылысь.

1 Коринфӧ 12:8

Ӧтилы Лолыс сетӧ мывкыд кывъяс, мӧдлы – тӧдӧмлун, мед юксьыны мукӧдкӧд,

1 Коринфӧ 12:4

Сетӧмторйыс унапӧлӧс, но Лолыс ӧти.

1 Коринфӧ 1:7

та вӧсна миян Господь Исус Кристослысь локтӧмсӧ виччысигӧн ті озырӧсь сетӧмторъяснас.

1 Коринфӧ 1:5

Кристос пыр Енмыс озырмӧдіс тіянӧс быдторнас, ті кужанныд бура сёрнитны, тіян эм быдпӧлӧс тӧдӧмлун.

Ап. уджъяс 19:8

Куим тӧлысь чӧж Павел ветлӧдліс синагогаӧ да повтӧг сёрнитіс сэні, эскӧдӧмӧн висьтавліс Енлӧн Юралӧм йылысь.

Ап. уджъяс 19:6

Кор Павел пуктіс кисӧ на вылӧ, сэки лэччис на вылӧ Вежа Лов. Найӧ пондісны сёрнитны мукӧд кывъяс вылын да пророкавны.

Иов 7:6

Лунъясӧй котӧртӧны кысян сусаысь ӧдйӧ, найӧ помасьӧны лачатӧг.

2 Каднебӧг 2:14

Сылӧн мамыс Дан рӧдысь, а батьыс сылӧн Тирысь. Сійӧ бура кужӧ вӧчасьны эзысь-зарниысь, ыргӧнысь, кӧртысь, изйысь да пуысь, бура кужӧ вӧчны пемыдгӧрд, гӧрдовлӧз да югыдгӧрд рӧма дӧра, тшӧтш вӧсни шабді дӧра. Сійӧ бура кужӧ вундалӧмӧн серпасавны да вӧчны быдпӧлӧс уджсӧ, мый сылы тшӧктасны. Сійӧ ӧтвыв кутас уджавны тэнад киподтуя йӧзкӧд да менам Давид ыджыдлӧн, тэнад батьыдлӧн, киподтуя йӧзкӧд.

Ӧксыяслӧн 3 небӧг 3:12

Ме вӧча тэнад корӧм серти. Ме сета тэныд ыджыд мывкыдлун да сюсь вежӧр. Тэ кодь мортыс эз вӧв, и тэ бӧрын оз ло.

Петӧм 26:1

«Вежа чомсӧ вӧч дас дӧраысь. Кы найӧс путшкӧм шабді шӧртысь да гӧрдовлӧз, пемыдгӧрд да югыдгӧрд вурун шӧртъясысь. Дӧраяссӧ мичмӧд херувим серпасъясӧн.

Исай 38:12

Ыж видзысьлысь чомсӧ моз менсьым оланінӧс разьӧма, ылыстӧма ме дінысь. Ме гартышті ассьым олӧмӧс, кыдзи дӧра кыысь гартыштӧ кыӧм дӧрасӧ, ӧні Господь вундас менӧ кысян стан бердысь. Лун и вой ме виччыси, мый Тэ мӧдӧдан меным олӧм пом.

Петӧм 36:1

Безалел, Оголиав да вӧчасьны кужысьяс пиысь мукӧдыс, кодъяслы Господь сетіс мывкыдлун да вежӧр, медым вӧчасны Господьлӧн тшӧктӧм серти ставсӧ, мый колӧ вежаинын кесъялӧмлы».