Петӧм 35:29 - Коми Библия 2023

²⁹ Израильса айулов да аньяс сьӧлӧмсяньныс вайисны ассьыныс козинъяссӧ, медым вӧчны ставсӧ, мый Господь тшӧктіс Мӧисейлы. Быдӧн ас кӧсйӧм сертиыс вайис Господьлы козинсӧ.

Петӧм 35:29 Referans Kwoze

2 Коринфӧ 9:7

Быдӧн сетӧй сьӧлӧм тшӧктӧм сертиныд: энӧ мырдӧн, энӧ шогпырысь, ӧд долыда сетысь муса Енмыслы.

Петӧм 35:4

Мӧисей шуис Израиль войтырлы: «Господь со мый тшӧктіс.

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.

Галатӧ 6:16

Буралӧм да лӧньлун тайӧс тӧд выланыс кутысьяслы да Енлӧн Израильлы.

1 Коринфӧ 9:17

Ме кӧ висьтавла Бур Юӧрсӧ ас кӧсйӧм серти, сэки меным удждон лоӧ. Ог кӧ ас кӧсйӧм серти, сэки индӧм удж вӧча.

1 Коринфӧ 3:5

Коді нӧ Павелыс? Коді Аполосыс? Найӧ сӧмын кесъялысьяс, кодъяс пыр ті эскинныд Кристослы. На пиысь быдӧн Господьсянь сетӧм удж вӧчис.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Исай 8:20

Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.

1 Каднебӧг 29:17

Енмӧй, ме тӧда, мый Тэ тӧдмалан мортлысь сьӧлӧмсӧ. Тэныд мусаӧсь сӧстӧм сьӧлӧмаяс. Став тайӧ сетӧмторсӧ ме вайи сӧстӧм сьӧлӧмсянь. Ме аддза, мый татчӧ чукӧртчӧм Тэнад войтырыд нимкодьпырысь вайӧны Тэныд сетӧмторъяс.

1 Каднебӧг 29:14

Коді ме да менам войтырӧй, медым вайны Тэныд татшӧм сетӧмторъяс. Но ставыс Тэсянь, и ми сетам Тэныд сійӧ, мый сибӧдім Тэсянь.

1 Каднебӧг 29:6

Сэки рӧдкутысьяс, израильса чужанкотыръяслӧн юралысьяс, тышкайӧзлӧн юралысьяс да веськӧдлысьяс да ӧксылы уджалысьясӧн веськӧдлысьяс вайисны ассьыныс сетӧмторъяснысӧ.

1 Каднебӧг 29:3

Менам Енлӧн крамыс меным муса, та вӧсна Енлысь крамсӧ лэптӧм могысь ме сета аслам озырлунысь зарни да эзысь. Сыысь кындзи, мый ме дасьті нин вежа керка лэптӧм вылӧ, ме сета

Ёрдысьяс 5:9

Менам сьӧлӧмӧй израильса веськӧдлысьяс дор, на бӧрся тышӧ петысьяс дор. Ошкӧй Господьӧс!

Ёрдысьяс 5:2

– Израильӧс нуӧдысьяс кыпӧдчисны, и войтырыс на бӧрся тышӧ петіс. Ошкӧй Господьӧс!

Индӧд 12:32

Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Индӧд 11:32

Сідзкӧ, кывзысьӧмӧн олӧй [Сылӧн] став индӧд-тшӧктӧмыс серти, мый талун висьтала тіянлы».

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Петӧм 36:3

Мӧисей сетіс налы став вайӧмторсӧ, мый Израиль пиян чукӧртісны вежаин вӧчӧм могысь. Быд асыв йӧзыс вайисны Мӧисейлы козинъяс ас кӧсйӧм сертиныс.

2 Каднебӧг 35:8

Ӧксылӧн киподувса юралысьяс ас кӧсйӧм сертиныс сетісны войтырыслы, попъяслы да левитъяслы козинъяс. Тайӧ юралысьясыс пӧвстысь Хилки, Закар да Ехиэл – Енлӧн крамын веськӧдлысьяс – сетісны попъяслы ыджыдлунся вись пыдди кык сюрс квайтсё баляӧс да кӧзапиӧс и куимсё ӧшкӧс,

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.

Ездра 8:28

Ме шуи налы: «Тіянӧс вежӧдӧма Господьлы. Дозмук-кӧлуйыс тшӧтш вежа, эзысь-зарниыс – войтырыслӧн ас кӧсйӧм серти вайӧм козин Господьлы, тіян батьяслӧн Енлы.

Петӧм 35:5

Вайӧй Господьлы козинъяс. Быдӧн, коді кӧсйӧ сетны козин, мед ваяс Господьлы зарни, эзысь, ыргӧн,