Петӧм 34:9 - Коми Библия 2023

⁹ Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Петӧм 34:9 Referans Kwoze

Псалтыр 33:12

Локтӧй, челядь, кывзӧй менӧ! Ме велӧда тіянӧс овны Господьысь полӧмӧн.

Индӧд 32:9

Израиль войтыр – Господьлӧн юкӧныс, Яковсянь чужысьяс – Сылӧн пайыс.

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 28:9

Господьлӧн гӧлӧс шыысь вайсьӧны кӧръяс, Сылӧн гӧлӧс шыысь кушмӧны вӧръяс. Сылӧн крамын ставныс гораа шуалӧны: «Ошкӧм Сылы!»

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Петӧм 32:9

Господь шуис Мӧисейлы: «Ме аддза, кутшӧм асныра тайӧ войтырыс.

Закар 2:12

Вежа муын Господь вӧчас Иудаӧс Аслас войтырӧн, бара бӧръяс Аслыс Ерусалим кар.

Петӧм 19:5

Ті кӧ кутанныд кывзысьны Менсьым да оланныд йитӧд серти, мый Ме кӧрталі тіянкӧд, сэки войтыръяс пӧвстысь ті лоанныд Менам войтырӧн. Муыс ӧд ставнас Менам.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Исай 48:4

Ме тӧді, мый тэ асныра, мый тэнад сьыліыд кӧртысь, плешкыд ыргӧнысь.

Псалтыр 25:11

Но ме ола сӧстӧма. Мезды менӧ, [Господьӧй,] ло бур сьӧлӧма ме дінӧ!

Лыд 14:19

Господьӧй, Аслад ыджыд буралӧмыд вӧсна прӧстит тайӧ войтырыслысь мыжсӧ, кыдзи Тэ пыр прӧститлін найӧс Египетысь петӧмсянь да ӧнӧдз!»

Петӧм 34:7

Ме видза [веськыдлунсӧ да восьта] буралӧмсӧ сюрс чужанвужйӧдз, прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь да водзӧ чужысьяслысь коймӧд да нёльӧд чужанвужйӧдз».

Индӧд 4:20

А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.

Индӧд 9:18

Сэсся ме [мӧдысь] кымынь уськӧдчи Господь водзӧ. Нелямын лун да нелямын вой, кыдзи и водзынсӧ, нянь эг сёйлы ни ва эг юлы тіян мыжныд вӧсна. Ті вӧчинныд Господь [асланыд Ен] водзын шогмытӧмсӧ, тадзи скӧрмӧдінныд Господьӧс.

Индӧд 9:26

Ме кевмыси Господьлы: ”Господьӧй Ыджыдӧй, [енъяслӧн Ӧксы,] эн бырӧд Ассьыд войтыртӧ. Ӧд Тэ мездін найӧс Аслад ыджыд вынӧн, петкӧдін Египетысь вына кинад [да ён сойнад].

Индӧд 9:29

Но ӧд тайӧ войтырыс – Тэнад войтырыд, кодӧс Тэ петкӧдін Египет муысь Аслад ыджыд выннад да Ассьыд вына китӧ лэптӧмӧн”».

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Петӧм 33:12

Мӧисей шуис Господьлы: «Тэ тшӧктін меным нуӧдны тайӧ войтырсӧ, но эн висьтав, кодӧс Тэ мӧдӧдан меным отсасьны. Тэ шулін меным, мый тӧдан менӧ да лоан бур сьӧлӧма ме дінӧ.