Петӧм 34:28 - Коми Библия 2023

²⁸ Мӧисей вӧлі керӧс вылын Господь дорын нелямын лун да нелямын вой, нянь эз сёйлы ни ва эз юлы. Сійӧ гижис изпӧвъяс вылӧ йитӧдлысь кывъяссӧ – дас тшӧктӧм.

Петӧм 34:28 Referans Kwoze

Петӧм 34:1

Господь шуис Мӧисейлы: «Вӧч кык изпӧв, воддза кодьӧс. [И кай Ме дінӧ керӧс вылӧ.] Изпӧвъяс вылас Ме гижа кывъяссӧ воддза изпӧвъясысь, мый тэ жугӧдін.

Индӧд 4:13

Господь юӧртіс тіянлы Ассьыс йитӧдсӧ. Сійӧ гижис кык изпӧв вылӧ дас тшӧктӧм, мый серти тіянлы колӧ овны.

Петӧм 24:18

Мӧисей воськовтіс кымӧр пытшкас и кайис керӧс йылӧ. Сэні сійӧ вӧлі нелямын лун да нелямын вой.

Индӧд 9:25

Ме кымынь уськӧдчи Господь водзӧ да кевмыси нелямын лун да нелямын вой, ӧд Сійӧ шуис, мый бырӧдас тіянӧс.

Индӧд 9:18

Сэсся ме [мӧдысь] кымынь уськӧдчи Господь водзӧ. Нелямын лун да нелямын вой, кыдзи и водзынсӧ, нянь эг сёйлы ни ва эг юлы тіян мыжныд вӧсна. Ті вӧчинныд Господь [асланыд Ен] водзын шогмытӧмсӧ, тадзи скӧрмӧдінныд Господьӧс.

Петӧм 32:16

Изпӧвъяссӧ вӧчис Ачыс Ен, Сійӧ вундалӧмӧн гижис сэтчӧ Ассьыс кывъяссӧ.

Петӧм 31:18

Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

2 Коринфӧ 3:7

Индӧдсӧ вӧлі гижӧма шыльӧдӧм из вылӧ. Тайӧ Индӧдсӧ Мӧисейлы сетігӧн Енмыслӧн дзирдлуныс сэтшӧма югдӧдіс Мӧисейлысь чужӧмсӧ, мый Израиль войтыр весиг эз вермы видзӧдны сы вылӧ. Но тайӧ дзирдлуныс вӧлі сӧмын регыдъя. Сідзкӧ, кулӧмӧ вайӧдысь Индӧдлы кесъялӧмыс кӧ вӧлі сэтшӧм дзирдалана,

Индӧд 9:9

Ме кайи керӧс вылӧ, медым босьтны Господь да тіян костын кӧрталӧм йитӧдлысь изпӧвъяс. Керӧс вылын ме вӧлі нелямын лун да нелямын вой, нянь эг сёйлы ни ва эг юлы.

Матвей 4:2

Нелямын лун да нелямын вой видзалӧм бӧрын Исуслӧн кынӧмыс сюммис.

Лука 4:2

Сэні нелямын лун чӧж омӧль ыштӧдіс Сійӧс. Став тайӧ кадсӧ Исус нинӧм эз сёй, бӧрыннас кынӧмыс сюммис.

Петӧм 34:10

Господь шуис Мӧисейлы: «Ме кӧртала тіянкӧд йитӧд. Тэнад войтырлӧн син водзын Ме вӧча шензьӧданаторъяс, татшӧмторйыс эз на вӧв му пасьтала некутшӧм войтыр пӧвстын. Менсьым повзьӧдана уджъясӧс аддзас став войтырыд.

Индӧд 10:10

Керӧс вылын ме вӧлі воддза мозыс нелямын лун да нелямын вой. Господь и та пӧрйӧ кывзіс менӧ, Сійӧ эз кӧсйы бырӧдны тіянӧс.

Ӧксыяслӧн 3 небӧг 19:8

Илля чеччис да сёйис-юис. Сёйӧм бӧртиыс ёнмыштіс да петіс туйӧ. Нелямын лун да нелямын вой сійӧ муніс Енлӧн Хорив керӧс дорӧдз.

Индӧд 10:5

Ме бӧр лэччи керӧс вылысь да Господьлӧн тшӧктӧм серти пукті изпӧвъяссӧ кудйӧ, мый ме вӧчи.