Петӧм 34:25 - Коми Библия 2023

²⁵ Меным вись пыдди вир вайигӧн энӧ вайӧй шома нянь. Ыджыдлунся висьысь асылӧдзыс нинӧм энӧ кольӧй.

Петӧм 34:25 Referans Kwoze

Петӧм 23:18

[Кор Ме вӧтла тіян водзысь мукӧд войтыръясӧс да паськӧда оланіннытӧ,] Меным вись пыдди вир вайигӧн энӧ вайӧй шома нянь. Меным вайӧм гаждырся висьлысь госсӧ асылӧдзыс энӧ кольӧй.

Петӧм 12:10

[Балялысь лысӧ энӧ чегъялӧй.] Асылӧдзыс нинӧм энӧ кольӧй, а коляс кӧ, сотӧй биын.

Индӧд 16:3

Тайӧ висьыскӧд энӧ сёйӧй шоммӧдӧм нянь. Сизим лун чӧж сёйӧй шомтӧм нянь, шогдырся няньнытӧ, ӧд ті тэрмасьӧмӧн петінныд Египет муысь. Тадзи став олӧм чӧжныд ті кутанныд казьтывны Египетысь петан лунтӧ.

Лыд 9:12

Яйсӧ асылӧдзыс мед оз кольны, и лысӧ мед оз чегъявны. Ставсӧ мед вӧчӧны сідзи, кыдзи тшӧктӧма Ыджыд лун йылысь.

Левит 7:15

Аттьӧалӧм могысь вайӧм бурасян висьлысь яйсӧ колӧ сёйны вись ваян лунӧ, асылӧдзыс сійӧс кольны оз позь.

Петӧм 29:34

Попӧ сувтӧдан вись пыдди вайӧм яйсӧ либӧ няньсӧ асылӧдзыс кӧ ставнас оз сёйны, сэки коляссӧ сот биын. Тайӧ – вежатор, мӧд луннас некодлы сійӧс сёйнысӧ оз позь.

Петӧм 12:20

Энӧ сёйӧй шоммӧдӧм нянь. Кӧть кӧні ті кутанныд овны, сёйӧй сӧмын шомтӧм нянь».

Петӧм 12:8

Войнас мед сёясны би вылын пражитӧм яйсӧ шомтӧм няньӧн да курыд турунъясӧн.

Матвей 13:33

Исус висьталіс нӧшта ӧти велӧданвисьт: «Енэжвыв Юралӧмыс няньшом кодь. Ань гудралас сэтчӧ куим шомӧс тыр пызь, кад мысти няньыс ловзяс».

Левит 2:11

Господьлы ваян нянь висьнытӧ пӧжалӧй шоммӧдтӧг. Господьлы вись пыдди оз позь сотны няньшом да ма.

Индӧд 16:4

Сизим лун чӧж тіян муын мед оз ло няньшом. Медводдза лунӧ рытнас вись пыдди вайӧм пемӧслысь яйсӧ асылӧдзыс энӧ кольӧй.