Петӧм 34:10 - Коми Библия 2023

¹⁰ Господь шуис Мӧисейлы: «Ме кӧртала тіянкӧд йитӧд. Тэнад войтырлӧн син водзын Ме вӧча шензьӧданаторъяс, татшӧмторйыс эз на вӧв му пасьтала некутшӧм войтыр пӧвстын. Менсьым повзьӧдана уджъясӧс аддзас став войтырыд.

Петӧм 34:10 Referans Kwoze

Индӧд 10:21

Господьӧс ошкӧй, ӧд Сійӧ – тіян Енныд, коді вӧчис тіянлы ыджыд да повзьӧдана уджъяс. Тайӧ уджъяссӧ ті асланыд синмӧн аддзылінныд.

Псалтыр 77:14

Луннас нуӧдіс найӧс кымӧр отсӧгӧн, войнас югзьӧдіс налысь туйсӧ биӧн.

Исай 64:3

Тэ вӧчлін повзьӧдана уджъяс, та йылысь ми весиг мӧвпыштнысӧ эгӧ кужлӧй. Тэ лэччин, и керӧсъяс дзӧрисны-тіралісны Тэ водзын.

Псалтыр 66:5

Войтыръяс мед гажӧдчасны-нимкодясясны, ӧд Тэ веськыда мыждан найӧс, Тэ веськӧдлан мувывса чужанкотыръясӧн.

Еремей 32:21

Тэ петкӧдін Ассьыд Израиль войтыртӧ Египет муысь шензьӧданаторъяс да индысьпасъяс вӧчӧмӧн, Ассьыд вына китӧ нюжӧдӧмӧн да ёна повзьӧдлӧмӧн.

Ӧксыяслӧн 2 небӧг 7:23

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ, вӧчны налӧн синъяс водзын ыджыд да повзьӧдана уджъяс. Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс да налысь енъяссӧ.

Псалтыр 78:12

Господьӧй, водзӧс перйы миянкӧд орччӧн олысьяслысь, сизим пӧв унджык водзӧс перйы Тэнӧ лёкӧдӧмысь.

Псалтыр 66:3

Сэки му вылын олысьяс тӧдмаласны Тэнсьыд туйтӧ, войтыръяс пӧвстын тӧдмаласны Тэнсьыд мездӧмтӧ.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Нав Исус 6:20

Найӧ дзикӧдз бырӧдісны карсьыс став айуловсӧ и аньсӧ, томӧс и пӧрысьӧс. Бырӧдісны тшӧтш налысь ыж-мӧссӧ да осёлъяссӧ. Найӧс ставнысӧ виалісны шыпуртӧн.

Петӧм 34:27

Господь шуис Мӧисейлы: «Гиж аслыд тайӧ кывъяссӧ. Тайӧ кывъяснас Ме кӧртала тэкӧд да Израилькӧд йитӧд».

Псалтыр 145:6

Господь вӧчис енэжсӧ да мусӧ, саридзсӧ да ставсӧ, мый сэні эм. Сылы пыр позьӧ эскыны.

Псалтыр 106:22

Вайӧй Сылы аттьӧалана вись, нимкодясьӧмӧн юӧртӧй Сылӧн уджъясыс йылысь!

Псалтыр 76:12

Но ме кута казьтывлыны Господьлӧн уджъяс йылысь, Сылӧн важся шензьӧданаторъяс йылысь.

Псалтыр 65:5

Локтӧй да видзӧдлӧй Енлӧн уджъяс вылӧ, наысь йӧзӧс полӧм босьтас.

Индӧд 4:13

Господь юӧртіс тіянлы Ассьыс йитӧдсӧ. Сійӧ гижис кык изпӧв вылӧ дас тшӧктӧм, мый серти тіянлы колӧ овны.

Псалтыр 68:35

Мед ошкасны Господьӧс енэжыс да муыс, саридзыс да сэні став олысьыс.

Петӧм 34:28

Мӧисей вӧлі керӧс вылын Господь дорын нелямын лун да нелямын вой, нянь эз сёйлы ни ва эз юлы. Сійӧ гижис изпӧвъяс вылӧ йитӧдлысь кывъяссӧ – дас тшӧктӧм.

Индӧд 9:19

Ме полі Господьлӧн скӧрмӧмысь, ӧд Сійӧ вӧлі сэтшӧм скӧр, мый дась вӧлі бырӧдны тіянӧс. Но и та пӧрйӧ Сійӧ кывзіс менӧ.

Псалтыр 72:18

Тэ сувтӧдан найӧс вильыд туй вылӧ, шыбитан найӧс пыдӧстӧм гуӧ.

Псалтыр 136:4

Но ми ӧмӧй вермам йӧз муын сьывны Господьлысь сьыланкывъяссӧ?

Микей 7:15

Египет муысь петіганыд ті аддзылінныд шензьӧданаторъяс. Ме тайӧс вӧчи, и ӧні бара вӧча.