Петӧм 33:2 - Коми Библия 2023

² Ме мӧдӧда [Ассьым] анделӧс тэ водзын, вӧтла ханаансаясӧс, аморейясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Петӧм 33:2 Referans Kwoze

Нав Исус 24:11

Ті вуджинныд Йӧрдан ю да локтінныд Ерикон кар дорӧ. Ериконса олысьяс, аморейяс, перезейяс, ханаансаяс, хеттейяс, гергесейяс, хивейяс да евуссаяс тышӧ петісны тіянлы паныд, но найӧс Ме сеті тіян киӧ.

Петӧм 32:34

Мун [лэччы] да нуӧд войтыртӧ сэтчӧ, кытчӧ Ме тшӧкті. Менам андел мунас тэ водзын. А мыждан лунӧ Ме мыжда найӧс мыжсьыныс».

Петӧм 23:20

«Ме ыста тіян водзвылын Ассьым анделӧс. Сійӧ мед видзас тіянӧс туяныд да нуӧдас Меӧн дасьтӧм местаӧ.

Индӧд 7:22

Господь, тіян Енныд, кутас вочасӧн вӧтлыны тіян водзысь войтыръясӧс. Ті онӧ вермӧй бырӧдны найӧс регыдъя кадӧн, медым [муыс эз овтӧммы, и] звер лыдыс эз сод.

Петӧм 34:11

Олӧй сы серти, мый ӧні тшӧкта тіянлы. Ме вӧтла тіян водзысь аморейясӧс, ханаансаясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 33:12

Мӧисей шуис Господьлы: «Тэ тшӧктін меным нуӧдны тайӧ войтырсӧ, но эн висьтав, кодӧс Тэ мӧдӧдан меным отсасьны. Тэ шулін меным, мый тӧдан менӧ да лоан бур сьӧлӧма ме дінӧ.

Петӧм 34:24

Ме вӧтла тіян водзысь войтыръясӧс да паськӧда мунытӧ. Некод оз кут мырддьыны мунытӧ, кутанныд кӧ куимысь вонас локны Господь Енныд водзӧ.

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Олӧм 15:21

аморейяс, ханаансаяс, [хивейяс,] гергесейяс да евуссаяс».

Олӧм 24:7

Господь, енэжыслӧн [да муыслӧн] Ен, коді петкӧдіс менӧ бать керкаысь да чужан муысь, коді сёрнитіс мекӧд да кыв сетіс, мый тайӧ мусӧ сетас [меным да] месянь чужысьяслы, мӧдӧдас Ассьыс анделсӧ тэ водзын, и тэ сэтысь ваян Исаак пиӧйлы гӧтырсӧ.

Ёрдысьяс 6:9

Ме мезді тіянӧс египетсаяслӧн да тіянӧс дзескӧдысьяслӧн кипод улысь. Ме вӧтлі вӧрӧгнытӧ тіян водзысь да сеті налысь мусӧ тіянлы.

1 Каднебӧг 1:14

Ханаан рӧдысь петісны тшӧтш евуссаяс, аморейяс, гергесейяс,