Петӧм 33:16 - Коми Библия 2023

¹⁶ Мый серти ми тӧдмалам, мый Тэ бур сьӧлӧма ме дінӧ да Аслад войтырыд дінӧ? Ог-ӧ сы серти, мый Тэ миянкӧд мунан? Ӧд сэки тыдовтчас, мый Тэ торйӧдін менӧ да Ассьыд войтыртӧ став мукӧд войтырсьыс».

Петӧм 33:16 Referans Kwoze

Индӧд 4:7

Эм-ӧ сэтшӧм вына войтырыс, кодлӧн енмыс эськӧ вӧлі матын, кыдзи матын миян дінӧ Господь, миян Енным, кор ми шыасям Сы дінӧ?

Лыд 14:14

Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.

Ӧксыяслӧн 3 небӧг 8:53

Господьӧй Ыджыдӧй, Египетысь батьяснымӧс петкӧдігӧн Тэ торйӧдін найӧс Аслыд мувывса став войтыр пӧвстысь, кыдзи шулін аслад Мӧисей кесйӧг пыр».

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Петӧм 34:10

Господь шуис Мӧисейлы: «Ме кӧртала тіянкӧд йитӧд. Тэнад войтырлӧн син водзын Ме вӧча шензьӧданаторъяс, татшӧмторйыс эз на вӧв му пасьтала некутшӧм войтыр пӧвстын. Менсьым повзьӧдана уджъясӧс аддзас став войтырыд.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Ӧксыяслӧн 2 небӧг 7:23

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ, вӧчны налӧн синъяс водзын ыджыд да повзьӧдана уджъяс. Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс да налысь енъяссӧ.

Петӧм 8:22

Сійӧ лунӧ Ме торйӧда Гошен му, кӧні олӧ Менам войтырӧй. Сэні лӧдз-гутыс оз ло. Сэки тэ тӧдмалан, мый став му пасьталаыс Ме – Господь [Енмыс].

Индӧд 4:34

Некутшӧм ен эз торйӧд аслыс войтыр мукӧд войтыр пӧвстысь чорыд мыждӧмъясӧн, шензьӧданаторъяс да индысьпасъяс вӧчӧмӧн, тыш отсӧгӧн, вына кисӧ да ён сойсӧ лэптӧмӧн, ыджыдсьыс-ыджыд повзьӧданаторъяс вӧчӧмӧн. Но Египетын ті аддзылінныд, мый тадзи вӧчис Господь, тіян Енныд.

Лыд 23:9

Изкырта вывсянь ме аддза найӧс, керӧс вывсянь видзӧда на вылӧ. Со, тайӧ войтырыс олӧ торйӧн, асьсӧ мукӧд войтыръяс лыдӧ оз пырт.

Левит 20:24

А тіянлы Ме шуи, мый ті босьтанныд налысь мусӧ. Ме сета тіянлы му, кӧні визувтӧ йӧв да ма. Ме – Господь, тіян Енныд. Ме торйӧді тіянӧс мукӧд войтыръясысь.

Левит 20:26

Лоӧй вежаӧсь Ме водзын, ӧд Ме вежа. Ме – Господь [тіян Енныд]. Ме торйӧді тіянӧс мукӧд войтыръясысь, медым ті вӧлінныд Менам.

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».