Петӧм 33:13 - Коми Библия 2023

¹³ Тэ кӧ бур сьӧлӧма ме дінӧ, петкӧдлы меным Ассьыд туйтӧ, медым ме тӧді Тэнӧ да вӧчи Тэныд шогманасӧ. Ӧд тайӧ йӧзыс – Тэнад войтырыд».

Петӧм 33:13 Referans Kwoze

Псалтыр 25:4

Ылӧдчысь йӧзкӧд ӧтлаын ме ог пукав, наян йӧзкӧд ог ӧтувтчы.

Индӧд 9:29

Но ӧд тайӧ войтырыс – Тэнад войтырыд, кодӧс Тэ петкӧдін Египет муысь Аслад ыджыд выннад да Ассьыд вына китӧ лэптӧмӧн”».

Индӧд 9:26

Ме кевмыси Господьлы: ”Господьӧй Ыджыдӧй, [енъяслӧн Ӧксы,] эн бырӧд Ассьыд войтыртӧ. Ӧд Тэ мездін найӧс Аслад ыджыд вынӧн, петкӧдін Египетысь вына кинад [да ён сойнад].

Ефесӧ 1:17

Ме кора, мед миян Господь Исус Кристослӧн Ен, дзирдлуныслӧн Бать, сетас тіянлы мывкыдлуныслысь да восьтӧмыслысь Ловсӧ, медым ті верминныд тӧдны Сійӧс.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Исай 30:21

Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Йоиль 2:17

Бӧрдӧй, попъяс, крам посводз да висьпуктанін костын. Господьлӧн кесъялысьяс, шуӧй: «Господьӧй, ло бур сьӧлӧма Аслад войтыр дінӧ. Эн сет янӧдны Ассьыд войтыртӧ, эн лэдз мукӧд войтырлы омӧльтны миянӧс. Мед найӧ оз шуны, кӧні Израильлӧн Енмыс».

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Римӧ 11:28

Найӧ эз сибӧдны Бур Юӧрсӧ, Енлы паныд сувтісны. Тайӧ лои тіян вӧсна. Но найӧ бӧрйӧм войтыр, и Енмыс радейтӧ найӧс батьясныс вӧсна.

Исай 63:19

Ми лоим сэтшӧм войтырӧн, код вылын Тэ быттьӧ некор эн юравлы, коді быттьӧ некор эз вӧв Тэнад войтырӧн.

Исай 63:17

Господьӧй, мыйла Тэ лэдзан миянлы кежны Тэнад туй вылысь, мыйла лэдзан чорзьыны сьӧлӧмнымлы, медым ми эгӧ полӧй Тэысь? Бергӧдчы миянлань Аслад кесйӧгъясыд вӧсна, Аслад бӧрйӧм чужанкотыръясыд ради.

Петӧм 32:7

Господь шуис Мӧисейлы: «Лэччы ӧдйӧджык, ӧд тэнад войтырыд, кодӧс тэ петкӧдін Египет муысь, шогмытӧма кутіс овны.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Петӧм 3:10

Ме ыста тэнӧ фараон дінӧ [египетса ӧксы дінӧ]. Мун, петкӧд Египетысь Менсьым войтырӧс, Израиль пиянӧс!»

Петӧм 5:1

Мӧисей да Аарон локтісны фараон дінӧ да шуисны сылы: «Господь, Израильлӧн Ен, тадзи висьталӧ: ”Лэдз Менсьым войтырӧс мунны овтӧминӧ, медым найӧ пасъясны Меным сиӧм гаж”».

Петӧм 32:12

Ӧд египетсаяс кутасны шуны, Енмыс пӧ петкӧдіс найӧс, медым керӧсъяс вылын вины найӧс да бырӧдны му вылысь. Дугды скӧравнытӧ, Господьӧй, эн бырӧд Ассьыд войтыртӧ.

Петӧм 32:14

Господь вежис Ассьыс шуӧмсӧ – эз мӧдӧд лёксӧ Аслас войтыр вылӧ.

Псалтыр 103:7

Но Тэнад ӧлӧдӧмысь ваяс пышйисны, Тэнад гым шыысь найӧ ӧдйӧ ылыстчисны.

Ӧксыяслӧн 2 небӧг 15:25

Ӧксы шуис Садоклы: «Бӧр нуӧй Енлысь кудсӧ Ерусалимӧ [мед сійӧ сулалас аслас местаын]. Господь кӧ лоӧ бур сьӧлӧма ме дінӧ, Сійӧ бӧр вайӧдас менӧ да сетас меным аддзыны Ассьыс кудсӧ аслас местаысь.