Петӧм 32:9 - Коми Библия 2023

⁹ Господь шуис Мӧисейлы: «Ме аддза, кутшӧм асныра тайӧ войтырыс.

Петӧм 32:9 Referans Kwoze

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Исай 48:4

Ме тӧді, мый тэ асныра, мый тэнад сьыліыд кӧртысь, плешкыд ыргӧнысь.

Индӧд 9:13

Господь нӧшта шуис: ”[Ме унаысь шулі тэныд:] Ме аддза, кутшӧм асныра тайӧ войтырыс.

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Петӧм 33:5

Господь шуис Мӧисейлы: «Висьтав Израиль пиянлы: ті асныра войтыр. Ме кӧ муна тіянкӧд, ӧти здукӧн виа тіянӧс. Пӧрччӧй ас вывсьыныд мичмӧдчанторъястӧ. Ме видзӧдла, мый вӧчны тіянкӧд».

Петӧм 33:3

Сійӧ нуӧдас тіянӧс муӧ, кӧні визувтӧ йӧв да ма. Ачым Ме ог мун тіянкӧд, медым туяныд Ме эг ви тіянӧс асныралӧм вӧснаныд».

Индӧд 31:27

Ме тӧда тіянлысь асныралӧмнытӧ да паныд кыпӧдчӧмнытӧ. Весиг ӧні, кор ме ловъя на, ті онӧ кывзысьӧй Господьлысь. А мый лоӧ менам кулӧм бӧрын?

2 Каднебӧг 30:8

Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

Индӧд 9:6

[Ӧні] тӧдӧй, мый Господь, тіян Енныд, оз тіян веськыдлун вӧсна сет тайӧ бур мусӧ, ӧд ті асныра войтыр».

Шусьӧгъяс 29:1

Ӧлӧдӧм бӧрын коді асныралӧ, сійӧс тӧдлытӧг лоӧ жугӧдӧма, и сійӧ оз нин бурд.

Псалтыр 78:8

Эн пукты миян вылӧ батьяснымлысь мыжъяссӧ, тэрмась петкӧдлыны миянлы Ассьыд бурлунтӧ, ӧд ми дзикӧдз жебмим.

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Индӧд 10:16

Вундыштӧй ассьыныд сьӧлӧмнытӧ да водзӧ энӧ асныралӧй.

Осий 6:10

Израиль войтыр пӧвстын Ме аддза пежторъяс: Ефрем кырсалӧ, Израиль пежалӧма асьсӧ.

Еремей 13:27

Ме аддзылі тэнсьыд кырсалӧмтӧ да лёкколӧмтӧ, керӧсъяс да видзьяс вылын зывӧк идолъяслы юрбитӧмтӧ. Курыд шог тэныд, Ерусалим! Тэ абу сӧстӧм. Дыр-ӧ на тадзи лоӧ?

Лыд 14:11

Господь шуис Мӧисейлы: «Дыр-ӧ на тайӧ войтырыс нинӧмӧ пуктӧ Менӧ? Ме вӧчи уна шензьӧданатор на пӧвстын, но найӧ пыр на оз эскыны Меным.

Ӧксыяслӧн 4 небӧг 17:14

Но израильсаяс эз кывзысьны. Найӧ асныралісны асланыс батьяс моз, кодъяс эз эскыны Господьлы, асланыс Енлы.

Неемий 9:16

Но найӧ, миян батьяс, пыксисны, асныралісны да эз кывзыны Тэнсьыд тшӧктӧмъястӧ.