Петӧм 32:1 - Коми Библия 2023

¹ Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Петӧм 32:1 Referans Kwoze

Ап. уджъяс 7:40

Ааронлы найӧ шуисны: ”Вӧч миянлы енъясӧс, кодъяс мунасны миян водзвылын. Ми огӧ тӧдӧй, мый лои Мӧисейкӧд, миянӧс Египетысь петкӧдысьнымкӧд”.

Индӧд 9:9

Ме кайи керӧс вылӧ, медым босьтны Господь да тіян костын кӧрталӧм йитӧдлысь изпӧвъяс. Керӧс вылын ме вӧлі нелямын лун да нелямын вой, нянь эг сёйлы ни ва эг юлы.

2 Петыр 3:4

Найӧ пондасны шуны: «Кӧні нӧ сійӧ Локтысьыс, коді кӧсйысьліс тай? Миян батьяс кулісны нин, но ставыс коли важ мозыс, му пуксьӧмсяньыс нинӧм эз вежсьы».

Петӧм 24:18

Мӧисей воськовтіс кымӧр пытшкас и кайис керӧс йылӧ. Сэні сійӧ вӧлі нелямын лун да нелямын вой.

Матвей 24:48

Шогмытӧм кесйӧг вермас мӧвпыштны: ”Ыджыдӧй дыр на оз лок”.

Ап. уджъяс 17:29

Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Микей 6:4

Ме петкӧді тэнӧ Египет муысь, мезді тэнӧ нартитӧм улысь, водзвылад ысті Мӧисейӧс, Ааронӧс да Мирьямӧс.

Осий 12:13

Господь петкӧдіс Израиль войтырӧс Египетысь, пророк нуӧдіс найӧс, пророк пыр Господь видзис найӧс.

Петӧм 32:11

Но Мӧисей кевмысьӧмӧн шыасис аслас Господь Ен дінӧ: «Господьӧй, эн ӧзты Ассьыд скӧрлунтӧ Аслад войтырыд вылӧ, кодӧс Тэ ыджыд вынйӧрӧн да вына киӧн петкӧдін Египет муысь.

Петӧм 32:7

Господь шуис Мӧисейлы: «Лэччы ӧдйӧджык, ӧд тэнад войтырыд, кодӧс тэ петкӧдін Египет муысь, шогмытӧма кутіс овны.

Петӧм 14:11

Мӧисейлы найӧ шуисны: «Египетын ӧмӧй некытчӧ вӧлі гуавны миянӧс? Та вӧсна овтӧминӧдз вайӧдін миянӧс кувнысӧ? Мый тэ вӧчин миянкӧд? Мыйла тэ петкӧдін миянӧс Египетысь?

Петӧм 13:21

Луннас Господь муніс на водзвылын кымӧр сюръя пытшкын, медым индыны туйсӧ, а войнас – би сюръя пытшкын, медым югзьӧдны туйсӧ. Тадзи найӧ вермисны мунны луннас и войнас.

Петӧм 16:3

«Бурджык миянлы вӧлі кувны Египет муын Господьлӧн ки помысь, – шуасисны Израиль пиян. – Сэні миян вӧліны яй тыра пӧртъяс, и няньсӧ ми пӧттӧдз сёйлім. А ӧні ті вайӧдінныд татчӧ овтӧминас, медым став тайӧ войтырыс тшыгйысла куліс».

Олӧм 44:15

Ӧсип шуис налы: «Мый ті вӧчинныд? Эн ӧмӧй гӧгӧрвоӧй, мый ме ставсӧ верма тӧдмавны?»

Нав Исус 7:13

Чеччы! Вежӧд войтыртӧ да висьтав налы, мед асывводз кежлас вежӧдасны-сӧстӧммӧдасны асьнысӧ, ӧд Господь, Израильлӧн Ен, тадзи висьталӧ: Израиль войтыр, тіян пӧвстын эмӧсь ёрӧм улӧ веськалӧмаяс. Кытчӧдз онӧ бырӧдӧй найӧс ас пӧвстсьыныд, вӧрӧгнытӧ онӧ вермӧй.

Петӧм 33:3

Сійӧ нуӧдас тіянӧс муӧ, кӧні визувтӧ йӧв да ма. Ачым Ме ог мун тіянкӧд, медым туяныд Ме эг ви тіянӧс асныралӧм вӧснаныд».

Олӧм 44:4

Найӧ петісны карысь. Кор найӧ вӧліны неылын на, Ӧсип шуис керка кутысьлы: «Мун суӧд тайӧ йӧзсӧ да шу налы: ”Мыйла ті бурсьыс мынтысинныд лёкӧн? [Мыйла гусялінныд эзысь дозмуксӧ?]

Олӧм 39:8

Но Ӧсип эз сетчы, а шуис сылы: «Менам ыджыдӧй ставсӧ, мый сылӧн эм, сетіс менам киӧ, и сылы аслас керкаын нинӧм вӧсна тӧждысьны оз ков.

Олӧм 19:14

Лот петіс да шуис аслас зятьпуяслы: «Петӧй тайӧ карсьыс, ӧд Господь бырӧдас сійӧс». Но найӧ эз эскыны сылы.

Матвей 24:43

Ті гӧгӧрвоанныд тайӧс: керка кутысь кӧ тӧдіс гусясьысьлысь локтан кадсӧ, сэки эськӧ эз узь да эз лэдз керкаас.

Олӧм 21:26

Авимелек шуис: «Ме ог тӧд, коді тайӧс вӧчис. Тэ меным эн висьтавлы, ме ӧнӧдз та йылысь эг кывлы».

Петӧм 20:23

Энӧ вӧчӧй аслыныд эзысь да зарни енъясӧс.

Петӧм 32:23

Найӧ шуисны меным: ”Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь”.

Лыд 14:22

мый найӧ, кодъяс аддзылісны Менсьым дзирдлунӧс да Менсьым шензьӧданаторъясӧс, мый Ме вӧчи Египетын да овтӧминын, но эз кывзысьны Менсьым да дасӧдысь нин дӧзмӧдісны Менӧ,

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Петӧм 24:12

Господь шуис Мӧисейлы: «Кай Ме дінӧ керӧс вылӧ да виччысь тані. Ме сета тэныд изпӧвъяс, кытчӧ Ме гижи Индӧд да тшӧктӧмъяс, медым велӧдны войтырӧс».

Петӧм 32:22

Аарон вочавидзис: «Эн дӧзмы, ыджыдӧй! Тэ ӧд тӧдан, мый тайӧ войтырыс ӧдйӧ сетчӧ лёкас.

Индӧд 9:1

«Кывзы, Израиль! Ӧні ті вуджанныд Йӧрдан ю сайӧ, медым босьтны мусӧ войтыръяслысь, кодъяс тіян дорысь вынаӧсь да уна лыдаӧсь, кодъяслӧн ыджыд каръясыс сулалӧны зумыда да зурасьӧны енэжӧдз.

Индӧд 31:8

Господь Ачыс мунас тэ водзвылын. Сійӧ лоас тэкӧд, оз эновт тэнӧ да оз коль тэнӧ. Эн пов да эн тірав!»

Псалтыр 106:19

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.