Петӧм 31:4 - Коми Библия 2023

⁴ Сійӧ кужӧ вӧчасьны зарниысь, эзысьысь да ыргӧнысь. [Кужӧ кыны кельыдлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.]

Петӧм 31:4 Referans Kwoze

2 Каднебӧг 2:7

Сідзкӧ, мӧдӧд меным мортӧс, коді бура кужӧ вӧчасьны эзысь-зарниысь, ыргӧнысь, кӧртысь, кужӧ вӧчны пемыдгӧрд, югыдгӧрд да гӧрдовлӧз рӧма дӧра, бура кужӧ вундалӧмӧн серпасавны. Сійӧ кутас уджавны Иудаын да Ерусалимын олысь киподтуя йӧзкӧд, кодъясӧс индіс меным Давид батьӧй.

Ӧксыяслӧн 3 небӧг 7:14

Сійӧ вӧлі Неффалим чужанкотырысь, дӧвалӧн пи. Батьыс сылӧн вӧлі ыргӧнысь вӧчасьысь. Хирам вӧлі зэв киподтуя, кужис вӧчавны ыргӧнысь быдсяматорсӧ. Хирам локтіс Соломон ӧксы дінӧ да вӧчис быд уджсӧ, мый сылы индыліс ӧксы.

Петӧм 28:15

Вӧч веськыда мыждӧмсӧ петкӧдлан морӧсводз. Серлӧдлӧмӧн кы сійӧс ефодӧс моз зарниысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.

Петӧм 26:1

«Вежа чомсӧ вӧч дас дӧраысь. Кы найӧс путшкӧм шабді шӧртысь да гӧрдовлӧз, пемыдгӧрд да югыдгӧрд вурун шӧртъясысь. Дӧраяссӧ мичмӧд херувим серпасъясӧн.

Петӧм 31:3

Ме тырті Безалелӧс Аслам Лолӧн, сеті сылы мывкыдлун, вежӧр, тӧдӧмлун да кужӧмлун вӧчны быдпӧлӧс уджсӧ.

Петӧм 31:5

Кужӧ вундавны да доргӧгӧравны из, вундасьны пуысь да вӧчны быдсикас кипом уджсӧ.