Петӧм 30:1 - Коми Библия 2023

¹ «Вӧч акация пуысь висьпуктанін, медым сэні тшынӧдны чӧскыд ӧвтанторъяс.

Петӧм 30:1 Referans Kwoze

Восьтӧм 8:3

Сэсся матыстчис нӧшта ӧти андел да сувтіс тшынӧдчан висьпуктанін водзӧ. Киас сійӧ кутіс зарни тшынӧдчан доз. Сылы вӧлі сетӧма уна ладан, медым вежа войтырлӧн кевмысьӧмъяснас пуктыны сійӧс зарни тшынӧдчан висьпуктанін вылӧ, мый сулаліс юралан пуклӧс водзын.

Левит 4:7

Поп мед мавтас тайӧ вирнас Господь водзын вежа чомйын сулалысь тшынӧдчан висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Петӧм 40:5

Йитӧд куд водзӧ пукты зарниысь вӧчӧм тшынӧдчан висьпуктанін. Вежа чом пыранінӧ ӧшӧд дӧра.

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

Ӧксыяслӧн 3 небӧг 6:20

Вежасьыс-вежаиныс вӧлі кызь гырддза пасьта, кызь гырддза кузьта да кызь гырддза судта. Стенъяссӧ Соломон эжис весалӧм зарниӧн, сус пуысь вӧчӧм висьпуктанінсӧ тшӧтш эжис зарниӧн.

Левит 4:18

Мед мавтас тайӧ вирнас Господь водзын вежа чомйын сулалысь [тшынӧдчан] висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Петӧм 30:10

Ӧтчыдысь вонас Аарон мед сӧстӧммӧдас висьпуктанінлысь сюръяссӧ. Мыжысь висьлӧн вирнас сійӧ ӧтчыдысь вонас мед сӧстӧммӧдас висьпуктанінсӧ. Тадзи колӧ вӧчны чужысьяссянь чужысьясӧдз. Тайӧ висьпуктаніныс лоӧ вежасьыс-вежа, сійӧ – Господьлӧн».

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.

Петӧм 30:2

Висьпуктаніныс мед лоӧ нёль пельӧса, кузьтанас и пасьтанас – ӧти гырддза, а судтанас – кык гырддза. Сюръясыс висьпуктанінкӧд мед лоӧны ӧтторъяӧсь.

Петӧм 35:15

тшынӧдчан висьпуктанін да сійӧс новлӧдлан потшъяс, мавтыштан вый, чӧскыд дука тшынӧдчанторъяс, вежа чом пыранінӧ ӧшӧдан дӧра,

Лыд 3:31

Найӧ кывкутісны-тӧждысисны Йитӧд куд вӧсна, пызан, бикок да висьпуктанінъяс вӧсна, кесъялан вежа дозмук-кӧлуй вӧсна да Вежаинын ӧшалысь дӧра вӧсна.

Ӧксыяслӧн 3 небӧг 6:22

Крам пытшкӧссӧ дзоньнас эжис зарниӧн, Вежасьыс-вежаин водзвылын сулалысь висьпуктанінсӧ тшӧтш эжис зарниӧн.

Ӧксыяслӧн 3 небӧг 7:48

Таысь кындзи Господьлӧн крамӧ Соломон вӧчӧдіс уна мукӧдтор: зарни висьпуктанін, вежа няньлы зарни пызан

1 Каднебӧг 6:49

Сӧмын Аарон да сысянь чужысьяс вермисны висьпуктанін вылын да тшынӧдчан висьпуктанін вылын сотны висьяс, кесъявны Вежасьыс-вежаинын да вештыны Израиль войтырлысь мыжсӧ. Найӧ ставсӧ вӧчисны Ен кесйӧг Мӧисейлӧн тшӧктӧм серти.

1 Каднебӧг 28:18

уна-ӧ колӧ сывдӧм зарни, медым вӧчны тшынӧдчан висьпуктанін. Давид сетіс серпасъяс, мый серти колӧ вӧлі вӧчны тарантас да зарни херувимъяс, кодъяс шевкнитӧм бордъяснас вевттясны Господьлысь Йитӧд кудсӧ.

Езекиль 41:22

Пуысь вӧчӧм висьпуктаніныс вӧлі куим гырддза судта, кык гырддза кузьта да кык гырддза пасьта. Сылысь пельӧс сюръяссӧ, подувсӧ да стенъяссӧ вӧлі вӧчӧма пуысь. Висьпуктанін йылысь морт шуис меным: «Тайӧ пызаныс сулалӧ Господьлӧн чужӧмбан водзын».

Петӧм 31:8

пызан да сылы став коланаторсӧ, весалӧм зарниысь бикок да сылы став коланаторсӧ, тшынӧдчан висьпуктанін,

Петӧм 39:38

зарни висьпуктанін, мавтыштан вый, чӧскыд дука тшынӧдчанторъяс, вежа чом пыранінӧ ӧшӧдан дӧра,

Лыд 4:11

Зарни висьпуктанінсӧ мед вевттясны гӧрдовлӧз вурун дӧраӧн, а дӧрасӧ – лӧз рӧма кучик вевттьӧдӧн. Сэсся висьпуктанін кольчаясас мед сюясны потшъяссӧ.