Петӧм 3:8 - Коми Библия 2023

⁸ Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Петӧм 3:8 Referans Kwoze

Олӧм 50:24

Ӧсип шуис аслас вокъяслы: «Ме регыд кула, но Енмыс волас тіянла да петкӧдас тіянӧс тайӧ мусьыс сійӧ муас, мый кыв сетӧмӧн кӧсйысьліс Ӧвраамлы, Исааклы да Яковлы».

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Индӧд 1:25

найӧ вайисны миянлы сэтчӧс вотӧссӧ. Найӧ юӧртісны, мый муыс, кодӧс сетӧ миянлы Господь, миян Енным, бур.

Петӧм 13:5

Господь [тіян Енныд] кыв сетӧмӧн кӧсйысис тіян батьяслы, мый сетас тіянлы ханаансаяслысь, хеттейяслысь, аморейяслысь, хивейяслысь да евуссаяслысь [и гергесейяслысь да перезейяслысь] мусӧ, кӧні визувтӧ йӧв да ма. Кор Сійӧ вайӧдас тіянӧс сэтчӧ, сэки тайӧ тӧлысяс ті вӧчӧй тшӧктӧмыс серти.

Еремей 11:5

Сэки эськӧ Ме збыльмӧді Ассьым кыв сетӧмӧс. Ӧд Ме кыв сетӧмӧн кӧсйыси сетны тіян батьяслы му, кӧні визувтӧ йӧв да ма. Ӧні ті оланныд тайӧ муас». Ме вочавидзи: «Господьӧй, тайӧ збыльысь тадзи!»

Лыд 13:27

Кадешӧ, Паран овтӧминӧ, Мӧисей, Аарон да став Израиль войтыр дінӧ. Найӧ висьтасисны, мый аддзылісны, да петкӧдлісны вайӧм вотӧссӧ.

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Езекиль 20:6

Сійӧ лунӧ Ме кыв сеті налы, мый петкӧда найӧс Египет муысь сійӧ муас, мый Ме бӧрйи налы, мича да бур муӧ, кӧні визувтӧ йӧв да ма.

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Псалтыр 34:8

Найӧс мед тӧдлытӧг суас бырӧдӧмыс, найӧ мед асьныс шедасны меным пуктӧм налькйӧ, усясны асланыс гуӧ.

Петӧм 12:51

Дзик сійӧ лунӧ Господь петкӧдіс Египетысь Израиль пиянӧс тышкайӧзӧс моз.

Еремей 32:22

Тэ сетін Аслад войтырлы тайӧ мусӧ, кӧні визувтӧ йӧв да ма, мусӧ, мый кыв сетӧмӧн кӧсйысин сетны налӧн батьяслы.

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

Индӧд 27:3

Тайӧ изъяс вылас гижӧй Индӧд кывъяссӧ, кор вуджанныд Йӧрдан ю сайӧ да пыранныд сійӧ муас, мый Господь, тіян Енныд, сетас тіянлы, муас, кӧні визувтӧ йӧв да ма. Тайӧ мусӧ тіянлы кӧсйысис сетны Господь, тіян батьяслӧн Ен.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Олӧм 11:5

Господь лэччис видзӧдлыны лэптан карсӧ да башнясӧ.

Иоан 3:13

Енэжас олысь да енэжсянь лэччӧм Морт Пиысь кындзи енэжас некод на эз кыпӧдчыв.

Исай 64:1

Господьӧй, косяв енэжсӧ да лэччы! Керӧсъяс мед дзӧрӧны-тіралӧны Тэ водзын

Петӧм 34:11

Олӧй сы серти, мый ӧні тшӧкта тіянлы. Ме вӧтла тіян водзысь аморейясӧс, ханаансаясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Олӧм 18:21

Лэчча да видзӧдла, збыльысь-ӧ найӧ олӧны Меӧдз воӧм шуасьӧм серти».

Олӧм 15:14

Но найӧс нартитысь войтырӧс Ме мыжда. Та бӧрти тэсянь чужысьясыд петасны сэтысь [да локтасны татчӧ] ыджыд озырлунӧн.

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.

Индӧд 28:11

Господь [тіян Енныд] быдторйын озырмӧдас тіянӧс. Тіян лоӧ уна ныв-пи, ыж-мӧс да мувыв быдтас-вотӧс сійӧ муас, мый Господь батьясныдлы кыв сетӧмӧн кӧсйысис сетны тіянлы.

Олӧм 11:7

Вай лэччам да сорлалам налысь кывсӧ, медым дугдасны гӧгӧрвоны ӧта-мӧднысӧ».

Еремей 2:7

Ме вайӧді тіянӧс муӧ, кӧні быдмӧны сад йӧръяс, медым ті пӧткӧдчинныд вотӧснас да бурторъяснас. Но ті локтінныд да пежалінныд Менсьым муӧс, вӧчинныд сійӧс зывӧкторйӧн.

Нав Исус 9:1

Тайӧ лоӧмторъяс йывсьыс тӧдмалісны [аморейяслӧн] став ӧксыыс, кодъяс олісны Йӧрдан ю рытыввыв муын: керӧсвыв муын, керӧсбердса муын, Ыджыд саридз пӧлӧн да Ливан дорын. Тайӧ вӧліны хеттейяс, аморейяс, [гергесейяс,] ханаансаяс, перезейяс, хивейяс да евуссаяс.

Индӧд 1:7

Мунӧй Ханаан муӧ – аморейяслӧн керӧсвыв муӧ да накӧд орччӧн олысь войтыръяс дінӧ, кодъяс олӧны Йӧрдан ковтысын, керӧсвыв муын, рытыввылын керӧсбердса муын, Негев муын да саридздор муын. Овмӧдчӧй налӧн муӧ да Ливанӧ, паськӧдчӧй весиг ыджыд Ефрат ю дорӧдз.

Лыд 13:19

Видзӧдалӧй, кутшӧмджык сійӧ. Тӧдмалӧй, вына-ӧ сэтчӧс войтырыс, уна лыда али этша лыда сійӧ.

Олӧм 15:13

Господь шуис Ӧврамлы: «Тӧд, тэсянь чужысьяс овмӧдчасны йӧз муӧ. Нёльсё во чӧж найӧ лоӧны сэні кесйӧг туйынӧсь да нартитӧм улынӧсь.

Олӧм 46:4

Ме Ачым муна тэкӧд сэтчӧ, и Ачым бӧр петкӧда тэнӧ сэтысь. Тэнсьыд синтӧ аслас киӧн тупкас Ӧсип».

Петӧм 5:23

Сійӧ кадсяньыс, кор ме муні фараон дінӧ сёрнитны Тэнад нимсянь, фараон кутіс чорыдджыка на дзескӧдны войтырӧс. Мыйла Тэ эн мезды Ассьыд войтыртӧ!»

Петӧм 12:41

Нёльсё комын во тыран лунӧ войнас Господьлӧн став войтырыс тышкайӧз моз петіс Египетысь.

Индӧд 6:3

Кывзы, Израиль! Олӧй тайӧ тшӧктӧмъясыс серти, медым тіянлы вӧлі бур да медым сійӧ муас, кӧні визувтӧ йӧв да ма, ті чужинныд-рӧдминныд, кыдзи висьталіс тіянлы Господь, тіян батьяслӧн Ен. [Господь Ен сетіс Израиль пиянлы тайӧ индӧд-тшӧктӧмъяссӧ овтӧминын Египетысь петӧм бӧрын.]

Амос 2:10

Ме петкӧді тіянӧс Египет муысь, нелямын во чӧж нуӧді овтӧминті, медым сетны тіянлы аморейяслысь мусӧ.

Олӧм 43:11

Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.

Левит 20:24

А тіянлы Ме шуи, мый ті босьтанныд налысь мусӧ. Ме сета тіянлы му, кӧні визувтӧ йӧв да ма. Ме – Господь, тіян Енныд. Ме торйӧді тіянӧс мукӧд войтыръясысь.

Лыд 13:18

Тайӧ йӧзсӧ [Паран овтӧминсянь] Ханаан му видзӧдлыны мӧдӧдігӧн Мӧисей шуис налы: «Мунӧй Негев му пыр да кайӧй керӧсвыв муӧ.

Нав Исус 5:6

Ӧд Израиль войтыр нелямын [кык] во чӧж ветлӧдліс овтӧминті. [Та вӧсна унаӧс абу на вӧлі вундыштӧма.] Египетысь петӧм израильса тышкайӧз эз нин вӧвны ловъяӧсь, ӧд найӧ эз кывзысьны Господьлысь. Господь кыв сетӧмӧн шуліс налы, мый найӧ оз аддзыны мусӧ, кӧні визувтӧ йӧв да ма, мусӧ, мый налӧн батьяслы кыв сетӧмӧн Господь кӧсйысис сетны миянлы.

Нав Исус 9:7

Израильсаяс шуисны локтӧм хивейяслы: «Гашкӧ, ті миянкӧд орччӧн оланныд? Ми огӧ вермӧй тіянкӧд йитӧд кӧртавны».

1 Каднебӧг 1:15

хивейяс, аркейяс, синейяс,

Псалтыр 12:6

Тэнад буралӧмыд вылӧ ме лача кута, нимкодяся, мый Тэ мездан менӧ. Кута сьылӧмӧн ошкыны Господьӧс меным бурсӧ вӧчӧмысь. [Кута сьывны Медвылысса Господьлӧн нимыслы.]

Исай 36:17

Сэсся ме локта да нуӧда тіянӧс мӧд муӧ, тіян кодь муӧ, кӧні эм нянь, вина да виноград йӧръяс.