Петӧм 29:43 - Коми Библия 2023

⁴³ Вежа чомсянь Ме кута шыасьны Израиль пиян дінӧ. Менам дзирдлунысь тайӧ чомйыс лоӧ вежа.

Петӧм 29:43 Referans Kwoze

Ӧксыяслӧн 3 небӧг 8:11

Кымӧр вӧсна попъяс эз вермыны водзӧ кесъявны, ӧд Господьлӧн дзирдлуныс тыртіс Господьлысь крамсӧ.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Езекиль 43:5

Лов кыпӧдіс менӧ да нуӧдіс пытшкӧс йӧрӧ. Ме аддзи, мый Господьлӧн дзирдлуныс тыртіс крамсӧ.

2 Каднебӧг 5:14

Кымӧр вӧсна попъяс эз вермыны водзӧ кесъявны, ӧд Господьлӧн дзирдлуныс тыртіс крамсӧ.

Петӧм 40:34

Сэки вежа чомсӧ вевттис кымӧр. Господьлӧн дзирдлуныс тыртіс вежа чомсӧ.

1 Иоан 3:2

Мусаясӧй, ӧні ми Енлӧн ныв-пи, а кодӧн лоам, эз на воссьы. Тӧдам сӧмын, кор воссяс, лоам Сы кодьӧсь, ӧд сэки аддзам Сійӧс сэтшӧмӧн, кутшӧм Сійӧ эм.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

Исай 60:1

Чеччы, югъяв, Ерусалим, ӧд тэнад югыдыд ӧзйис, тэ весьтын Господьлӧн дзирдлуныс тыдовтчис.

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Петӧм 29:42

Тайӧ сотан висьсӧ чужысьяссянь чужысьясӧдз пыр колӧ вайны Господь водзӧ вежа чом пыранін дорын. Вежа чомсянь Ме, Господь, кута шыасьны тіян дінӧ, кута сёрнитны тэкӧд.

Петӧм 29:44

Ме вежӧда вежа чомсӧ да висьпуктанінсӧ, вежӧда тшӧтш Ааронӧс да сылысь пиянсӧ, медым найӧ попъясӧн кесъяласны Меным.

Левит 9:4

Бурасян вись пыдди мед вайӧдасны Господь водзӧ ӧшкӧс да межӧс, нӧшта мед ваясны выйӧн гудралӧм нянь вись. Талун Господь петкӧдчас тіянлы».

Петӧм 40:35

Мӧисей эз вермы пырны вежа чомйӧ, ӧд вежа чомсӧ вӧлі вевттьӧма кымӧр. Господьлӧн дзирдлуныс тыртіс вежа чомсӧ.

Левит 9:6

Мӧисей шыасис: «Господь тадзи тшӧктіс вӧчны, медым тіянлы петкӧдчас Господьлӧн дзирдлуныс».

2 Каднебӧг 5:13

Труба шыыс да сьылан шыыс юргисны ӧтмоза, ӧти шыӧн. Тадзи найӧ ошкисны-нимӧдісны Господьӧс. Кор кыліс трубалӧн тутсан шыыс, кимваллӧн да мукӧд ворсанторлӧн шыыс, кор пондісны сьывны-ошкыны Господьӧс: «Сійӧ бур, Сылӧн буралӧмыс оз помасьлы», сэки Господьлысь крамсӧ тыртіс кымӧр.