Петӧм 28:41 - Коми Библия 2023

⁴¹ Пасьтӧд Аарон воктӧ да сылысь пиянсӧ татшӧм паськӧмнас, мавтышт найӧс вежа выйӧн, пукты попъясӧ да вежӧд найӧс, сэки найӧ вермасны попъясӧн кесъявны Меным.

Петӧм 28:41 Referans Kwoze

Петӧм 29:7

Сэсся босьт мавтыштан вый да кисьт Ааронлы юр вылас. Тадзи тэ мавтыштан сійӧс.

Левит 10:7

Энӧ вешйӧй вежа чом пыранін дорысь, медым энӧ кулӧй, ӧд тіянӧс мавтыштӧма Господьлӧн вежа выйӧн». Найӧ кывзысисны Мӧисейлысь.

Петӧм 40:15

Сэсся батьнысӧ моз мавтышт найӧс, медым найӧ попъясӧн кесъяласны Меным. Тайӧ мавтыштӧмыс петкӧдлӧ, мый найӧс индӧма кесъявны попъясӧн нэмъяс кежлӧ чужысьяссянь чужысьясӧдз».

Петӧм 29:9

Сэсся вӧньӧд Ааронӧс да сылысь пиянсӧ, юр выланыс пукты юрвевттьӧд. Аарон да сылӧн пияныс пыр кежлӧ лоӧны попъясӧн. Пукты найӧс кесъявны.

Еврейяслы 7:28

Индӧд серти аркирейӧн вермис лоны морт, кодлӧн эмӧсь тырмытӧмторъяс. Но Индӧдыс бӧрын Енмыс кыв сетӧмӧн пуктіс Аркирейӧ Ассьыс вежсьывлытӧм тыр-бур Писӧ.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

Еврейяслы 5:4

Морт оз вермы ачыс асьсӧ индыны аркирейӧн, тайӧс вермӧ вӧчны сӧмын Ен, коді тшӧтш Ааронӧс индіс аркирейӧн.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Езекиль 43:26

Сизим лун чӧж мед сӧстӧммӧдасны висьпуктанінсӧ, и висьпуктаніныс лоӧ сиӧма вись вайӧмлы.

Исай 61:1

Господь Ыджыдлӧн Лолыс Ме вылын, ӧд Господь мавтыштіс Менӧ висьтавны бур юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, дорӧмаяслы чепъяс орӧдӧм йылысь,

Исай 10:27

Сійӧ лунӧ тіян пельпом вылысь усяс Ассурлӧн сьӧкыд нопйыс, тіян сьылі вылысь жугалас сылӧн сийӧсыс.

Лыд 3:3

Найӧс вӧлі мавтыштӧма да сувтӧдӧма кесъявны попъясӧн.

Петӧм 29:35

Ааронлы да сылӧн пиянлы вӧч ставсӧ сідзи, кыдзи Ме тшӧкті тэныд. Найӧс попӧ сувтӧдан лунъясыс мед мунасны сизим лун чӧж.

Петӧм 29:24

Сет ставсӧ тайӧс Ааронлы да сылӧн пияныслы кианыс, вай ставсӧ Господь водзын пыркӧдан вись пыдди.

Петӧм 28:4

Мед вӧчасны морӧсводз, ефод, риза, серлӧдлӧм кузь дӧрӧм, юркӧртӧд да вӧнь. Мед вӧчасны Аарон вокыдлы да сылӧн пиянлы тайӧ вежа паськӧмсӧ, медым найӧ попъясӧн кесъяласны Меным.

Петӧм 28:1

«Израиль пиян пӧвстысь кор ас дінад Аарон воктӧ пияныскӧд. Аарон да сылӧн Надав, Авиуд, Элазар да Итамар пияныс мед кесъяласны Меным попъясӧн.

Петӧм 40:13

Пасьтӧд Ааронӧс вежа паськӧмӧн да мавтышт сійӧс. Тадзи тэ вежӧдан сійӧс, медым попӧн кесъялас Меным.

Левит 16:24

Вежаинас мед мыссяс ваӧн да бӧр пасьталас ассьыс паськӧмсӧ. Вежа чомйысь петӧм бӧрын ас вӧснаыс да войтырыс вӧсна мед ваяс сотан вись. Тадзи вештас ассьыс да войтырлысь мыжсӧ [тшӧтш гортсаясыслысь да попъяслысь мыжсӧ].

Петӧм 30:35

Мавтас вӧчысь моз вӧч наысь чӧскыд дука тшынӧдчантор. Вӧч солалӧмӧн, сӧстӧмӧс да вежаӧс.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.