Петӧм 28:30 - Коми Библия 2023

³⁰ Веськыда мыждӧмсӧ петкӧдлан морӧсводзӧ сюй урим да туммим. Тадзи найӧ лоасны Ааронлӧн сьӧлӧм бердас, кор сійӧ [вежаинӧ пыригӧн] локтас Господь водзӧ. Господь водзӧ локтігӧн моросводзсӧ Аарон мед пыр кутас новлӧдлыны сьӧлӧм бердас. Морӧсводзыс петкӧдлӧ Израиль пиянлы веськыда мыждӧмсӧ.

Петӧм 28:30 Referans Kwoze

Неемий 7:65

Медыджыд юралысь шуис, мый налы оз ков сёйны вежа вись, кытчӧдз оз лок поп, коді пудъясяс урим да туммим отсӧгӧн.

Ездра 2:63

Медыджыд юралысь шуис, мый налы оз ков сёйны вежа вись, кытчӧдз оз лок поп, коді пудъясяс урим да туммим отсӧгӧн.

Индӧд 33:8

Левий чужанкотыр йылысь Мӧисей шуис: – Туммимтӧ да уримтӧ Тэ сетін Аслад эскана кесъялысьлы, Тэ тӧдмалін сійӧс Массаын, вензин сыкӧд Мерива ва петанін дорын.

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Левит 8:8

Сэсся пасьтӧдіс морӧсводз, морӧсводзас сюйис урим да туммим.

Еврейяслы 4:15

Миян эм Аркирей, коді бура гӧгӧрвоӧ миянӧс жеблунным дырйи. Миянӧс моз Сійӧс быдторйын вӧлі ыштӧдӧма, но мыжсӧ Сійӧ эз вӧчлы.

Ӧксыяслӧн 1 небӧг 28:6

Сэки сійӧ шыасис Господь дінӧ, но Господь сылы эз вочавидз вӧт пыр ни уримӧн пудъясьӧм пыр, весиг пророкъяс пыр.

Еврейяслы 9:24

Та вӧсна Кристос пырис эз киӧн вӧчӧм вежаинӧ, мый вӧлі вӧчӧма збыль вежаин серти, а пырис дзик енэжас, медым сувтны Ен водзӧ миян пыдди да дорйыны миянӧс.

Еврейяслы 9:12

Кристос пырис Вежасьыс-вежаинӧ эз кӧза вирӧн, эз ӧш вирӧн, а Аслас вирӧн. Тадзи Сійӧ ӧтчыдысь да пыр кежлӧ мездіс миянӧс мыжъясысь.

Закар 6:13

Сійӧ кыпӧдас Господьлысь крамсӧ, Сійӧс нимӧдасны ӧксыӧс моз, Сійӧ юравны-ыджыдавны пондас. Сійӧ пуксяс юралан пуклӧсӧ, Сыкӧд ыджыдавны пуксяс поп, и найӧ пондасны овны ӧти сьӧлӧмӧн.

Ёрдысьяс 1:1

Исуслӧн кулӧм бӧрын Израиль пиян юасисны Господьлысь: «Коді миян пӧвстысь медводдзаӧн петас ханаансаяслы паныд тышӧ?»

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

2 Коринфӧ 12:15

Тіян вӧсна ме нимкодьпырысь сета ассьым ставсӧ, весиг ачымӧс. Ті менӧ омӧля радейтанныд, гашкӧ, тіянӧс вывті ёна радейта да?

2 Коринфӧ 7:3

Тайӧс висьтала ог тіянӧс мыждӧм могысь. Водзынджык ме шулі нин тіянлы, мый ті миян сьӧлӧмынӧсь, ми дасьӧсь овны и кувны тіянкӧд ӧтвылысь.

Ёрдысьяс 20:18

Израильсаяс локтісны Вефильӧ да юалісны Енлысь: «Кутшӧм чужанкотырлы колӧ медводдзаӧн петны Венямин чужанкотырлы паныд тышӧ?» Господь вочавидзис: «Иуда чужанкотырлы».

Петӧм 28:29

Вежаинӧ пыригӧн Аарон сьӧлӧм бердас Господьлы казьтыланпас пыдди мед новлӧдлас Израиль пиянлысь нимъяссӧ веськыда мыждӧм петкӧдлан морӧсводзас. [Кыӧм чепъяссӧ йит морӧсводз кыкнан помас. Зарни дорышъяссӧ пукты кыкнан ластавич вылӧ водзладорсяньыс.]