Петӧм 25:10 - Коми Библия 2023

¹⁰ «Вӧч акация пуысь куд: кузьтанас кык да джын гырддза, пасьтанас гырддза да джын, судтанас гырддза да джын.

Петӧм 25:10 Referans Kwoze

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.

Восьтӧм 11:19

Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.

2 Каднебӧг 8:11

Фараонлысь нывсӧ Соломон вуджӧдіс Давид карысь сылы вӧчӧдӧм керкаӧ. Соломон шуис: «Менам гӧтырӧйлы оз позь овны израильса Давид ӧксы керкаын. Тайӧ керкаыс вежа, ӧд татчӧ коркӧ вайлісны Господьлысь Йитӧд кудсӧ».

Петӧм 35:12

Йитӧд куд, сійӧс новлӧдлан потшъяс, сылы вевт да ӧшӧдан дӧра, [йӧр тупкан дӧраяс да сэтчӧ сюръяяс, смарагда изъяс, фимиам да мавтыштан вый,]

Лыд 3:31

Найӧ кывкутісны-тӧждысисны Йитӧд куд вӧсна, пызан, бикок да висьпуктанінъяс вӧсна, кесъялан вежа дозмук-кӧлуй вӧсна да Вежаинын ӧшалысь дӧра вӧсна.

Лыд 4:5

Израиль войтырлӧн туйӧ петтӧдзыс Аарон пияныскӧд мед пырасны вежа чомйӧ, босьтасны ӧшӧдӧм дӧрасӧ да вевттясны сыӧн Йитӧд кудсӧ.

Петӧм 31:7

Найӧ мед вӧчасны вежа чом, Йитӧд куд да сылы вевт, вежа чомйӧ колана дозмук-кӧлуй,

Петӧм 39:32

Тадзи вӧлі помалӧма вежа чом вӧчан уджъяс. Израиль пиян вӧчисны ставсӧ, кыдзи Господь тшӧктіс Мӧисейлы.

Лыд 4:6

Йитӧд кудсӧ нӧшта мед вевттясны лӧз рӧма кучик вевттьӧдӧн, а сэсся тупкасны гӧрдовлӧз вурун вевттьӧдӧн. Куд кольчаясас мед сюясны потшъяссӧ.