Петӧм 24:14 - Коми Библия 2023

¹⁴ Юрнуӧдысьяслы шуис: «Виччысьӧй тані, кытчӧдз ми огӧ бӧр локтӧй. Аарон да Хур кольччасны тіянкӧд. Кодлӧн кутшӧм мог лоӧ, мед шыасясны на дорӧ».

Петӧм 24:14 Referans Kwoze

Петӧм 17:12

Но Мӧисейлӧн киыс дзикӧдз жуяліс. Сэки Аарон да Хур вайисны сылы из, медым сійӧ пуксис из вылас. Мӧисей пуксис, а Аарон да Хур лэптісны сылысь кисӧ, ӧтиыс кутіс ӧтар кисӧ, а мӧдыс – мӧдарсӧ. Мӧисейлӧн киыс шонді пуксьытӧдзыс пыр вӧлі лэптӧма.

Петӧм 17:10

Исус кывзысис Мӧисейлысь да муніс тышкасьны амаликъяскӧд, а Мӧисей, Аарон да Хур кайисны керӧс йылӧ.

Олӧм 22:5

Кесйӧгъясыслы Ӧвраам шуис: «Кольччӧй татчӧ, видзӧдӧй осёл бӧрся, а ми пикӧд ветлам да копыртчылам Енлы, сэсся бӧр локтам».

Ӧксыяслӧн 1 небӧг 10:8

Сэсся мун Галгалӧ. Ме локта сэтчӧ тэ дінӧ, мед вайны сотан да бурасян висьяс. Виччысь менӧ сэні сизим лун. Ме локта да висьтала, мый тэныд вӧчнысӧ».

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Петӧм 18:16

Асланыс вензьӧмъясӧн найӧ локтӧны ме дінӧ. Ме ёрдысь на костын. Ме тӧдмӧда найӧс Енлӧн индӧд-тшӧктӧмъясӧн».