Biblia Todo Logo
Bib sou entènèt

- Piblisite -




Петӧм 24:10 - Коми Библия 2023

10 Сэні найӧ аддзисны Израильлысь Енсӧ. Сылӧн кок улыс вӧлі сапфир кодь, дзик енэжыс кодь югыд.

Gade chapit la Kopi




Петӧм 24:10
28 Referans Kwoze  

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.


Ме аддзи, мый херувимъяслӧн юр весьтын вӧлі вевт, а сы вылын сулаліс сапфир изйысь вӧчӧм юралан пуклӧс сяма.


Сылӧн чужӧмыс дзирдаліс дона изъяс моз, яшма да сердолик моз. Пуклӧс весьтас югъяліс изумруд рӧма ӧшкамӧшка.


Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.


Ме вешта Ассьым киӧс. Сэки тэ аддзан Менӧ бӧрвывсянь, а чужӧмӧс он аддзыв».


Сэсся Господь шуис: «Тэ он вермы видзӧдны Менам чужӧмбан вылӧ. Ме вылӧ видзӧдлӧм бӧрын мортыс оз вермы ловйӧн кольны».


Яков шуис: «Аслам синмӧн Енмӧс аддзылі и ловйӧн коли». Та вӧсна нимтіс тайӧ местасӧ Пенуэлӧн.


Сійӧ югъяліс Ен дзирдлунӧн да дзирдаліс дона из моз, югъялысь яшма моз.


Енсӧ некод некор эз аддзыв. Но ми кӧ радейтам ӧта-мӧднымӧс, сідзкӧ, Енмыс миян пытшкын да Сылӧн муслуныс тыр-бурӧдз воис сьӧлӧманым.


Исус вочавидзис: «Он ӧмӧй тӧд Менӧ, Филип? Ме сы дыра нин тіянкӧд! Менӧ аддзылысь Батьӧс аддзыліс. Мыйла тэ шуан, петкӧдлы пӧ миянлы Батьтӧ?


Велӧдчысьяс син водзын Исуслӧн мыгӧрыс вежсис: чужӧмыс пондіс шонді моз югъявны, паськӧмыс лои дзирдалана еджыд.


Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.


Йӧзыс эз аддзывлыны Батьӧс, сӧмын Енсянь Локтысь аддзыліс Батьсӧ.


«Коді тайӧ? Сійӧ асъя кыа моз дзирдалӧ, сійӧ тӧлысь кодь мича, шонді кодь югыд, дӧрапасӧн локтысь тышкайӧз кодь шемӧсмӧдана». (Ныв:)


Микей водзӧ висьталіс: «[Тадзисӧ ог ме висьтав.] Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн шуйгаладорас и веськыдладорас сулалісны енэжвывса тышкакотыръяс.


Ен нӧшта шуис: «Ме тэнад батьлӧн Ен, Ӧвраамлӧн Ен, Исааклӧн Ен да Яковлӧн Ен». Мӧисей тупкис чужӧмсӧ, ӧд поліс видзӧдны Ен вылӧ.


Израильлӧн юрнуӧдысьяс аддзылісны Енмӧс, но Сійӧ эз лэпты кисӧ на вылӧ. Сэні найӧ сёйисны-юисны.


Ме сёрнита сыкӧд ог нӧдкывъяс пыр, а воча чужӧмӧн да восьсӧн, и сійӧ аддзӧ Менсьым пертасӧс. Кыдзи ті лысьтанныд шуасьны Менам Мӧисей кесйӧг вылӧ?»


Сылӧн киыс зарни шы кодь, мичмӧдӧма дона изъясӧн. Сылӧн кынӧмыс слӧн лыысь, вевттьӧма сапфир изъясӧн.


Сионса юралысьяс лымйысь на сӧстӧмӧсь, йӧлысь на еджыдӧсь вӧліны. Налӧн кучикыс вӧлі коралл рӧма, найӧ дзирдалісны сапфир моз.


Комынӧд воӧ нёльӧд тӧлысьлӧн витӧд лунӧ, кор ме вӧлі Кевар ю бокын пленӧ босьтӧмаяс пӧвстын, енэжыс воссис, и ме аддзылі Енсянь петкӧдчылӧм.


Ыджыдӧй, кыдзи нӧ меным, тэнад кесйӧглы, сёрнитны тэкӧд? Ме дзикӧдз вынтӧмми, весиг лолӧй оз шед».


Кыпӧдчис шонді. Яков муніс Пенуэлсянь чотігтырйи.


Господьӧй, Израильлӧн Енмӧй, мед инас Тэнад кӧсйысьӧмыд, мый Тэ шулін Аслад Давид кесйӧглы.


Swiv nou:

Piblisite


Piblisite