Biblia Todo Logo
Bib sou entènèt

- Piblisite -




Петӧм 23:31 - Коми Библия 2023

31 Ме сета тіянлы му Гӧрд саридзсянь Филистим саридзӧдз да овтӧминсянь [ыджыд Ефрат] юӧдз. Тайӧ муысь олысьяссӧ Ме сета тіян киӧ, и ті вӧтланныд найӧс.

Gade chapit la Kopi




Петӧм 23:31
37 Referans Kwoze  

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,


Муыс, кытчӧ ті сувтанныд кокнад, лоӧ тіян. Овтӧминсянь Ливанӧдз, Ефрат юсянь рытыввыв саридзӧдз муыс лоӧ тіян.


Господь быд боксянь видзис найӧс да сетіс лӧнь олӧм, кыдзи кыв сетӧмӧн кӧсйысис налӧн батьяслы. Вӧрӧгъяс эз вермыны найӧс, ӧд став вӧрӧгсӧ Господь сетіс налӧн киӧ.


Овтӧминсянь Ливанӧдз да ыджыд Ефрат юсянь рытыввыв Ыджыд саридзӧдз хеттейяслӧн став муыс лоӧ тіян.


Господь вӧтліс миян водзысь став войтыръяссӧ, тшӧтш аморейясӧс, кодъяс олісны тайӧ муас. Ми тшӧтш кутам кесъявны Господьлы, ӧд Сійӧ – миян Ен».


Найӧ сералӧны да лёкӧдӧны, суклясьӧны да ышнясьӧмӧн сёрнитӧны.


Соломон кипод улын вӧліны Ефрат ю таладор муяс – Типсахсянь Газаӧдз. Соломон ыджыдаліс сэтчӧс ӧксыяс вылын. Быдлаын, кӧні сійӧ ыджыдаліс, войтыръяс олісны лӧня.


Господь, Израильлӧн Ен, сетіс Сигонӧс да сылысь тышкайӧзсӧ израильсаяслӧн киӧ. Тадзи израильсаяс пасьвартісны сэні олысь аморейясӧс да босьтісны аслыныс став налысь мусӧ.


Иудасянь чужысьяс петісны тышӧ. Господь сетіс ханаансаясӧс да перезейясӧс налӧн киӧ. Везекын найӧ пасьвартісны дас сюрс мортӧс.


Сэки ӧти пророк локтіс израильса Ахав ӧксы дінӧ да шуис: «Господь тадзи висьталӧ: ”Аддзан-ӧ тайӧ уна лыда тышкайӧзсӧ? Талун Ме сета найӧс тэнад киӧ, медым тэ тӧдін, мый Ме – Господь”».


Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.


Давид бара шыасис Господь дінӧ. Господь шуис сылы: «Чеччы да мун Кейлаӧ. Ме сета филистимсаясӧс тэнад киӧ».


Эз тіян шыпуртныд, эз тіян ньӧввужныд вӧтлы аморейяслысь кык ӧксыӧс тіян водзвылысь, а Меӧн мӧдӧдӧм гырысь зіяс.


Сэтысь Ме вайӧді тіянӧс аморейяслӧн муӧ, Йӧрдан ю сайӧ. Найӧ уськӧдчисны тіян вылӧ, но Ме сеті найӧс тіян киӧ. Ме бырӧді найӧс тіян водзысь, и ті босьтінныд налысь мусӧ.


Меным воис кад мунны сэтчӧ, кытчӧ мунӧ мувывса быд олысь. Ас пытшканыд, асланыд сьӧлӧманыд, ті тӧданныд, мый Господь Енныдлӧн тіянлы кӧсйысьӧм кывйысь нинӧм збыльмытӧг эз коль, ставыс иніс.


А ті водзӧ вӧтӧдӧй вӧрӧгтӧ. Виалӧй ставнысӧ, энӧ лэдзӧй налы пышйыны асланыс каръясӧ. Господь, тіян Енныд, сетас найӧс тіян киӧ».


Господь шуис Исуслы: «Эн пов аморейясысь, Ме сета найӧс тэнад киӧ. На пӧвстысь некод оз вермы водзсасьны тэкӧд».


Сэки Господь шуис Исуслы: «Лэптӧм шытӧ веськӧд Гайлань, ӧд Ме сета сійӧс тэнад киӧ. [Тэнад кыйӧдчысьясыд мед дзик пыр петасны кыйӧдчанінсьыс.]» Исус лэптіс шысӧ карлань.


ті петанныд кыйӧдчанінсьыд да босьтанныд карсӧ. Господь, тіян Енныд, сетас сійӧс тіян киӧ.


Господь шуис меным: ”Эн пов сыысь. Тэнад киӧ Ме сета сійӧс, сылысь войтырсӧ да мусӧ. Пасьварт сійӧс, кыдзи тэ пасьвартін аморей войтырлысь Сигон ӧксысӧ, коді юраліс Хешбонын”.


Господь шуис Мӧисейлы: «Эн пов сыысь. Тэнад киӧ Ме сета сійӧс, сылысь войтырсӧ да мусӧ. Пасьварт сійӧс, кыдзи тэ пасьвартін аморей войтырлысь Сигон ӧксысӧ, коді юраліс Хешбонын».


Мунӧй Ханаан муӧ – аморейяслӧн керӧсвыв муӧ да накӧд орччӧн олысь войтыръяс дінӧ, кодъяс олӧны Йӧрдан ковтысын, керӧсвыв муын, рытыввылын керӧсбердса муын, Негев муын да саридздор муын. Овмӧдчӧй налӧн муӧ да Ливанӧ, паськӧдчӧй весиг ыджыд Ефрат ю дорӧдз.


Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.


Но Господь, миян Енным, сетіс сійӧс миян киӧ. Ми пасьвартім сійӧс, сылысь пиянсӧ да став войтырсӧ.


Ковтысын сулалысь карсянь да Арнон ю бокын сулалысь Ароэр карсянь Галаад керӧсвыв муӧдз став карсӧ ми босьтім аслыным. Господь, миян Енным, ставсӧ сетіс миян киӧ.


Талун ті тӧдмаланныд, мый Господь, тіян Енныд, мунӧ тіян водзвылын, кыдзи ставсӧ сотысь би. Сійӧ пасьвартас енак войтырӧс да сетас тіян киӧ. Ті босьтанныд налысь мусӧ да регыдъя кадӧн бырӧданныд найӧс. Тадзи висьталіс тіянлы Господь.


А татчӧс войтыръяслӧн каръясысь, мый Господь, тіян Енныд, сетас тіянлы, некодӧс ловйӧн энӧ кольӧй.


Ті вуджинныд Йӧрдан ю да локтінныд Ерикон кар дорӧ. Ериконса олысьяс, аморейяс, перезейяс, ханаансаяс, хеттейяс, гергесейяс, хивейяс да евуссаяс тышӧ петісны тіянлы паныд, но найӧс Ме сеті тіян киӧ.


Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]


войтыръясысь, кодъяс йылысь Господь шуліс Израиль войтырлы: «Энӧ рӧдвужасьӧй накӧд, медым найӧ эз кежӧдны тіянӧс асланыс енъяс дорӧ». Но Соломонлы мусаӧсь вӧліны тайӧ аньясыс.


висьтавны Израиль пиянлы: «Кор ті пыранныд Ханаан муӧ, сійӧ лоӧ тіян. Мудорыс нюжӧдчас тадзи.


Сійӧ вӧтлас тіян водзысь став вӧрӧгнытӧ, кыдзи и шуліс.


«Господь [миян Енным] сетіс миян киӧ сійӧ мусӧ, – шуисны найӧ Исуслы. – Сэтчӧс олысьяс ставныс ёна полӧны миянысь».


Израильсаяс шуисны локтӧм хивейяслы: «Гашкӧ, ті миянкӧд орччӧн оланныд? Ми огӧ вермӧй тіянкӧд йитӧд кӧртавны».


Ме вӧтла Израиль пиян водзысь керӧсвыв муын олысь сидонсаясӧс Ливансянь Мисрефот-Маимӧдз. Юк тайӧ муяссӧ Израиль войтырлы, кыдзи Ме тшӧкті тэныд.


Ефрат юсянь Филистим муӧдз да Египетӧдз став ӧксыыс вӧліны Соломон кипод улынӧсь.


Swiv nou:

Piblisite


Piblisite