Петӧм 23:27 - Коми Библия 2023

²⁷ Тіян водзвылын Ме ыста полӧм, шӧйӧвошта войтыръясӧс, кодъяс дінӧ ті матыстчанныд. Ме разӧда тіян водзысь вӧрӧгнытӧ.

Петӧм 23:27 Referans Kwoze

Индӧд 2:25

Талунсянь енэжувса войтыръяс пӧвстын Ме понда кӧдзны полӧм-тіралӧм. Кодъяс кыласны тіян йылысь, повзясны тіянысь да весьӧпӧрасны”.

Олӧм 35:5

Найӧ [петісны Сикемысь,] мӧдӧдчисны туйӧ. Матігӧгӧр каръясын олысьясӧс ыджыд полӧм босьтіс Енмысь, та вӧсна Яковлысь пиянсӧ эз вӧтӧдны.

Индӧд 7:23

Господь, тіян Енныд, сетас войтыръясӧс тіян киӧ, вайӧдас найӧс ыджыд шызьӧмӧдз, мый вӧсна найӧ бырасны.

Индӧд 11:25

Некод оз вермы тіянлы паныд сувтны, ӧд Господь, тіян Енныд, кӧдзас тіянысь полӧм-тіралӧм быдлаын, кытчӧ ті сувтанныд кокнад. Та йылысь Сійӧ висьтавліс тіянлы.

2 Каднебӧг 14:14

Найӧ пасьвартісны Герар гӧгӧрысь став карсӧ, ӧд сэні олысьяс пӧвстӧ Господь ыстіс ыджыд полӧм. Иудаса тышкайӧз куштісны став тайӧ каръяссӧ да нуисны сэтысь зэв уна эмбур.

Ӧксыяслӧн 4 небӧг 7:6

Господь вӧчис сідзи, мый арамейяс кылісны тарантас шыяс, вӧвъяслысь гӧрдлӧм да уна тышкайӧзлысь шы. Арамейяс шуалісны ӧта-мӧдныслы: «Израильса ӧксы, буракӧ, медаліс хеттейяслысь да египетсаяслысь ӧксыясӧс, мед уськӧдчыны миян вылӧ».

Ӧксыяслӧн 1 небӧг 14:15

Филистимсаяслӧн чукӧртчанінын да тышкасянінын став йӧзыс зэв ёна повзисны. Водзын мунысь да мусӧ куштысь тышкакотыръясӧс дзӧрӧм босьтіс. [Найӧ весиг эз кӧсйыны тышӧ петны.] Муыс сыркмунліс. Господь ыстіс йӧзыслы полӧм.

Индӧд 11:23

сэки Господь вӧтлас тіян водзысь войтыръясӧс, кодъяс тіян дорысь вынаӧсь да уна лыдаӧсь, и ті босьтанныд аслыныд налысь мусӧ.

Петӧм 33:2

Ме мӧдӧда [Ассьым] анделӧс тэ водзын, вӧтла ханаансаясӧс, аморейясӧс, хеттейясӧс, перезейясӧс, [гергесейясӧс,] хивейясӧс да евуссаясӧс.

Ӧксыяслӧн 2 небӧг 22:41

Тэ бергӧдан вӧрӧгӧс пышйӧмӧ, ме вӧтча мустӧмтысьяс бӧрся да бырӧда найӧс.

Псалтыр 21:12

Эн ылыстчы меысь, ӧд шогыс матын, а отсӧг сетысьыс абу.

Петӧм 34:24

Ме вӧтла тіян водзысь войтыръясӧс да паськӧда мунытӧ. Некод оз кут мырддьыны мунытӧ, кутанныд кӧ куимысь вонас локны Господь Енныд водзӧ.

Лыд 22:3

Та вӧсна моавсаяс полісны унасьыс-уна лыда Израиль войтырысь.

Индӧд 6:19

Сійӧ вӧтлас тіян водзысь став вӧрӧгнытӧ, кыдзи и шуліс.