Петӧм 23:25 - Коми Библия 2023

²⁵ Кесъялӧй Меным, асланыд Господь Енлы, и Ме бурсиа няньнытӧ [винанытӧ] да ванытӧ, вешта тіян пӧвстысь висьӧмъяс.

Петӧм 23:25 Referans Kwoze

Индӧд 7:15

Господь [тіян Енныд] ылыстас тіян дінысь висьӧмъяс, мый ті [аддзылінныд да] тӧдмалінныд Египетын. Сійӧ ыстас висьӧмъяссӧ на вылӧ, кодъяс мустӧмтӧны тіянӧс.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Нав Исус 22:5

Сӧмын олӧй Индӧд серти, мый тіянлы юӧртіс Мӧисей, Господьлӧн кесйӧг. Радейтӧй Господьӧс, ассьыныд Ентӧ, ветлӧй Сылӧн туйясӧд, олӧй Сылӧн тшӧктӧмъяс серти, кутчысьӧй Сы дінӧ да кесъялӧй Сылы став сьӧлӧмнад да став олӧмнад».

Исай 33:24

Сионын олысьяс пӧвстысь некод оз шу, ме пӧ вися, сэні олысь войтырлысь мыжъяссӧ лоӧ прӧститӧма.

Псалтыр 103:3

ваяс весьтын лӧсьӧдӧмыд Аслыд вылысса жыръяс. Кымӧръяссӧ Тэ вӧчан Аслад тарантасӧн, Тэ шевкъялан тӧв бордъяс вылын.

Индӧд 7:13

Сійӧ пондас радейтны тіянӧс да бурсины тіянӧс, сетас тіянлы уна ныв-пи. Сійӧ бурсиас тіянсянь чужысьясӧс, тіянлысь мувыв быдтастӧ, няньтӧ, винатӧ, олив выйтӧ да ыж-мӧстӧ сійӧ муас, мый тіян батьяслы кыв сетӧмӧн кӧсйысис сетны тіянлы.

Индӧд 10:12

«Израиль, мый виччысьӧ тіянсянь Господь, тіян Енныд? Виччысьӧ, медым ті полінныд Господьысь, асланыд Енмысь, ветлінныд Сылӧн туйясӧд, радейтінныд Сійӧс да кесъялінныд Сылы став сьӧлӧмнад да став олӧмнад.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Ӧксыяслӧн 1 небӧг 12:20

Самуил вочавидзис йӧзыслы: «Энӧ полӧй. Дерт, ті мыж вӧчинныд, но сӧмын энӧ кежӧй Господьысь, а кесъялӧй Сылы став сьӧлӧмнаныд.

Индӧд 10:20

Полӧй Господьысь, асланыд Енмысь, Сылы [ӧтнаслы] кесъялӧй, Сы дінӧ кутчысьӧй да Сылӧн нимӧн кӧсйысьӧй.

Нав Исус 24:21

Войтырыс вочавидзис Исуслы: «Ми кутам кесъявны Господьлы».

Индӧд 13:4

Асланыд Господь Ен бӧрся мунӧй да Сыысь полӧй. Сылӧн тшӧктӧмъяс серти олӧй, Сылысь кывзысьӧй, Сылы кесъялӧй да Сы дінӧ кутчысьӧй.

Ӧксыяслӧн 1 небӧг 7:3

Самуил шуис налы: «Ті кӧ став сьӧлӧмнад кӧсъянныд бергӧдчыны Господьлань, сідзкӧ, эновтчӧй мукӧд войтырлӧн енъясысь, тшӧтш Астарта идолысь. Веськӧдӧй сьӧлӧмнытӧ Господьлань да сӧмын Сылы кесъялӧй-юрбитӧй. Сэки Сійӧ мездас тіянӧс филистимсаясысь».

Нав Исус 24:24

Войтырыс шуис Исуслы: «Кутам кесъявны Господьлы, асланым Енлы, да кывзысьны Сылысь».

Малакий 3:10

– Став дасӧд юкӧннытӧ вайӧй видзанінъясӧ, медым Менам керкаын вӧлі сёян. Татшӧм ногӧн тӧдмалӧй Менӧ, – висьталӧ Господь Саваоф. – Ме ӧмӧй ог восьт тіянлы енэжвыв ӧшиньяссӧ, ог ӧмӧй лышкыда кисьт тіян вылӧ бурсиӧмсӧ?

Исай 33:16

Татшӧм мортыс пондас овны выліинын, сылӧн сайӧдчанінӧн лоӧ керӧсвывса изкар. Сылӧн няньыс пыр лоӧ, и ваыс сылӧн оз бырлы.

Ӧксыяслӧн 1 небӧг 12:24

Сӧмын полӧй Господьысь, кесъялӧй Сылы веськыда да став сьӧлӧмсяньныд. Ті ӧд асьныд аддзылінныд, кутшӧм ыджыд уджъяс Сійӧ вӧчис тіян пӧвстын.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Левит 11:44

Ме – Господь, тіян Енныд. Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме [Господь, тіян Енныд] – вежа. Энӧ пежалӧй асьнытӧ му вывті котралысь-веглясьысьяс вӧсна.

Левит 26:3

Кутчысянныд кӧ Менам индӧд-тшӧктӧмъясӧ да оланныд кӧ на серти,

Даниил 1:15

Дас лун кольӧм бӧрын чужӧмнас найӧ вӧліны мичаджыкӧсь да вир-яйнас ёнджыкӧсь сійӧ зонъясыс дорысь, кодъяс пӧткӧдчисны ӧксы пызан вылысь.