Петӧм 23:18 - Коми Библия 2023

¹⁸ [Кор Ме вӧтла тіян водзысь мукӧд войтыръясӧс да паськӧда оланіннытӧ,] Меным вись пыдди вир вайигӧн энӧ вайӧй шома нянь. Меным вайӧм гаждырся висьлысь госсӧ асылӧдзыс энӧ кольӧй.

Петӧм 23:18 Referans Kwoze

Левит 2:11

Господьлы ваян нянь висьнытӧ пӧжалӧй шоммӧдтӧг. Господьлы вись пыдди оз позь сотны няньшом да ма.

Петӧм 34:25

Меным вись пыдди вир вайигӧн энӧ вайӧй шома нянь. Ыджыдлунся висьысь асылӧдзыс нинӧм энӧ кольӧй.

Индӧд 16:4

Сизим лун чӧж тіян муын мед оз ло няньшом. Медводдза лунӧ рытнас вись пыдди вайӧм пемӧслысь яйсӧ асылӧдзыс энӧ кольӧй.

Петӧм 12:10

[Балялысь лысӧ энӧ чегъялӧй.] Асылӧдзыс нинӧм энӧ кольӧй, а коляс кӧ, сотӧй биын.

Левит 7:15

Аттьӧалӧм могысь вайӧм бурасян висьлысь яйсӧ колӧ сёйны вись ваян лунӧ, асылӧдзыс сійӧс кольны оз позь.

Петӧм 12:8

Войнас мед сёясны би вылын пражитӧм яйсӧ шомтӧм няньӧн да курыд турунъясӧн.

Левит 7:12

Аттьӧалана вись вайысь мед ваяс висьыскӧд выйӧн гудралӧм шомтӧм нянь, выйӧн мавтӧм шомтӧм сӧчӧн да шобді пызьысь выйӧн гудралӧм нянь.

Петӧм 12:15

Сизим лун чӧж сёйӧй шомтӧм нянь. Медводдза лунӧ петкӧдӧй няньшомсӧ керкасьыныд. Ӧд медводдза лунсяньыс сизимӧд лунӧдз коді кутас сёйны шоммӧдӧм нянь, сійӧс лоӧ бырӧдӧма Израиль войтыр пӧвстысь.

Петӧм 16:19

Мӧисей шуис: «Чукӧртӧмсьыныд асылӧдзыс нинӧм энӧ кольӧй».

Петӧм 29:34

Попӧ сувтӧдан вись пыдди вайӧм яйсӧ либӧ няньсӧ асылӧдзыс кӧ ставнас оз сёйны, сэки коляссӧ сот биын. Тайӧ – вежатор, мӧд луннас некодлы сійӧс сёйнысӧ оз позь.