Петӧм 23:15 - Коми Библия 2023

¹⁵ Менам тшӧктӧм серти индӧм кадӧ авив тӧлысьӧ сизим лун чӧж пасйӧй Шомтӧм нянь сёян лунъяс. Сёйӧй сэки шомтӧм нянь. Ӧд авив тӧлысьӧ ті петінныд Египетысь. Энӧ локтӧй Ме водзӧ куш киӧн.

Петӧм 23:15 Referans Kwoze

Лука 22:7

Воис Шомтӧм нянь сёян лун, кодыр колӧ вӧлі начкыны ыджыдлунся баляӧс.

Петӧм 34:20

Медводдза чужысь осёлпиысь вештысь баляпиӧн, а он кӧ кӧсйы вештысьны, песовт осёлпилысь сьылісӧ. Тшӧтш аслад медводдза чужысь пиысь вештысь. Ме водзӧ куш киӧн мед некод оз лок.

Индӧд 16:16

Куимысь вонас став айуловныд мед локтасны Господь Енныд водзӧ сійӧ местаас, мый Господь бӧръяс. Сэні пасйӧй Шомтӧм нянь сёян лунъяс, Ветымынӧд лунся гаж да Чом вӧчан лунъяс. Господь водзӧ куш киӧн мед некод оз лок,

Марк 14:12

Шомтӧм нянь сёян лунъяс дырйи медводдза лунӧ, кодыр начкисны ыджыдлунся баляӧс, велӧдчысьяс юалісны Исуслысь: «Кӧні кӧсъян сёйны ыджыдлунся баляӧс? Ми мунам да дасьтам».

Левит 23:10

висьтавны Израиль пиянлы: «Кор ті овмӧдчанныд сійӧ муас, мый Ме сета тіянлы, да вунданныд сэні нянь, вайӧй медводдза кольтанытӧ поплы.

Петӧм 34:18

Пасйы Шомтӧм нянь сёян лунъяс. Сизим лун чӧж сёй шомтӧм нянь индӧм кадӧ авив тӧлысьӧ, кыдзи Ме тшӧкті тэныд, ӧд авив тӧлысьӧ тэ петін Египетысь.

Петӧм 13:4

Талун, авив тӧлысьӧ, ті петанныд.

Лука 2:41

Быд во Ыджыд лун кежлӧ Исуслӧн бать-мамыс ветлісны Ерусалимӧ.

Ап. уджъяс 12:3

Ирӧд аддзис, мый тайӧ сьӧлӧм вылас воис иудейяслы, да тшӧктіс босьтны тшӧтш Петырӧс. Сэки буретш пасйисны Шомтӧм нянь сёян лунъяс.

Петӧм 12:2

«Тайӧ тӧлысьыс мед лоас тіянлы волӧн медводдза тӧлысьӧн.

Петӧм 22:29

Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

Ӧксыяслӧн 1 небӧг 6:3

Найӧ вочавидзисны: «Ті кӧ бӧр кӧсъянныд мӧдӧдны [Господьлысь] Израиль Енлысь [Йитӧд] кудсӧ, козинтӧг сійӧс энӧ мӧдӧдӧй. Ыстӧй мыж вештан вись. Сэки ті бурданныд да тӧдмаланныд, мый вӧсна Израильлӧн Ен оз вешты Ассьыс мыждӧмсӧ тіян вылысь».

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Микей 6:6

– Мый меным вайны Господьлы, кор локта Сы водзӧ, кор копыртча енэжвывса Енлы? Гашкӧ, сотан вись вая, арӧса ӧшпиӧс вая?