Петӧм 22:30 - Коми Библия 2023

³⁰ Вайӧй ыж-мӧсныдлысь [да осёлъясныдлысь] медводдза чужысьӧс. Сизим лун видзӧй сійӧс мам дінас, а кӧкъямысӧд луннас вайӧй сійӧс Меным.

Петӧм 22:30 Referans Kwoze

Левит 22:27

«Куканьӧс, баляпиӧс да кӧзапиӧс чужӧм бӧрас видзӧй мам дорас сизим лун, а кӧкъямысӧд лунсяньыс найӧс позьӧ вайны Господьлы вись пыдди.

Индӧд 15:19

«Ыж-мӧсныдлысь став медводдза ай чужысьсӧ вежӧдӧй-торйӧдӧй Господьлы, асланыд Енлы. Энӧ уджӧдӧй медводдза чужысь ӧшкӧс. Энӧ шырӧй ыж-кӧзалысь медводдза чужысьсӧ.

Левит 12:3

Кӧкъямысӧд луннас кагасӧ колӧ вундыштны.

Петӧм 13:12

сэки став медводдза чужысь писӧ торйӧд Господьлы. Весиг ыж-мӧслысь став медводдза ай чужысьсӧ вай Господьлы.

Олӧм 17:12

Чужӧмсянь кӧкъямысӧд лунӧ тіян мед лоӧ вундыштӧма быд пиӧс. Вундыштӧй быдӧнӧс, коді чужас тіян ордын, и кодӧс ньӧбанныд мукӧд войтыр пӧвстысь.

Левит 7:23

«Тшӧкты Израиль пиянлы, мед оз сёйны ӧш-мӧслысь да ыж-кӧзалысь госсӧ.

Левит 7:24

Кулӧм либӧ зверӧн косявлӧм пемӧс госнас вермасны вӧдитчыны овмӧсын, но сёйны сійӧс оз позь.

Левит 7:26

Кӧть кӧні ті кутанныд овны, лэбачлысь ни пемӧслысь вирсӧ энӧ сёйӧй.

Левит 11:44

Ме – Господь, тіян Енныд. Вежӧдӧй-сӧстӧммӧдӧй асьнытӧ, лоӧй вежаӧсь, ӧд Ме [Господь, тіян Енныд] – вежа. Энӧ пежалӧй асьнытӧ му вывті котралысь-веглясьысьяс вӧсна.

Левит 11:45

Ӧд Ме – Господь. Ме петкӧді тіянӧс Египет муысь, медым лоны тіян Енмӧн. Сідзкӧ, лоӧй вежаӧсь, ӧд Ме – вежа».

Левит 17:15

Вужвойтыр пӧвстысь либӧ йӧз муысь локтысьяс пӧвстысь кӧ кодкӧ сёяс шой либӧ косявлӧм пемӧслысь яй, сійӧ мед мыськалас паськӧмсӧ да ачыс тшӧтш мыссяс. Рытӧдзыс сійӧ лоӧ пеж, а сэсся лоӧ сӧстӧм.

Левит 22:8

Шой да косявлӧм пемӧсӧс сылы оз позь сёйны, медым насянь эз пежав асьсӧ. Ме – Господь.

Индӧд 14:21

Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».

Езекиль 4:14

Ме шуи: «Господьӧй Ыджыдӧй! Ме некор эг пежавлы ачымӧс. Том кадсянь талунъя лунӧдз ме эг сёйлы зверӧн косявлӧм пемӧслысь либӧ шой пемӧслысь яй. Ме вомӧ эг босьтлы пеж яй».