Петӧм 22:29 - Коми Библия 2023

²⁹ Энӧ ньӧжмасьӧй вайны Меным асланыд гумла вывсьыд да виноград пычканінсьыд медводдза босьтӧмторъяснытӧ. Сетӧй Меным медводдза пинытӧ.

Петӧм 22:29 Referans Kwoze

Петӧм 23:16

Пасйӧй Нянь вундан гаж, кор му вывсьыд вунданныд медводдза няньнытӧ. Пасйӧй во помын Чомӧр гаж, кор быдтас-вотӧснытӧ чукӧртанныд.

Петӧм 13:2

«Став медводдза ай чужысьсӧ вежӧд-торйӧд Меным. Израиль войтыр пӧвстысь медводдза чужысьыс и ыж-мӧс пӧвстысь медводдза чужысьыс лоӧны Менам».

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

Петӧм 23:19

Аслад му вылысь медводдза быдтасысь медбурсӧ вай аслад Господь Енлӧн керкаӧ. Эн пу кӧзапиӧс мамыслӧн йӧв пиын».

Римӧ 8:23

Да оз сӧмын найӧ, тшӧтш ми, кодъяслӧн эм Енсянь Лолыс, тайӧ медводдза сетӧмторйыс, ружтӧмӧн-ойзӧмӧн виччысям Енлӧн ныв-пиӧн лоӧмсӧ, вир-яйным вӧсна вештысьӧмсӧ.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Микей 7:1

Курыд шог меным! Воис кад – вотӧс чукӧртӧм бӧрын кодь, виноград ӧктӧм бӧрын кодь: сёйыштны виноградыс абу, корся инжир вотӧс, а сійӧ абу.

Петӧм 34:19

Мам кынӧмысь быд медводдза чужысь пи лоӧ Менам. Тшӧтш медводдза чужысь ӧшкыд да межыд лоӧ Менам.

Петӧм 13:12

сэки став медводдза чужысь писӧ торйӧд Господьлы. Весиг ыж-мӧслысь став медводдза ай чужысьсӧ вай Господьлы.

Езекиль 20:40

Ӧд Менам вежа керӧс вылын, израильса джуджыд керӧс вылын, ті ставныд, кодъяс оланныд асланыд муын, кутанныд кесъявны Меным, – висьталӧ Господь Ыджыдыс. – Сэні Ме сибӧда тіянӧс, Израиль войтыр. Ме виччыся, мый ті ваянныд сэтчӧ козинъяснытӧ, мувыв быдтассьыныд медводдза босьтӧмторъяснытӧ да вежа сетӧмторъяснытӧ.

2 Каднебӧг 31:5

Кор тайӧ тшӧктӧмсӧ вӧлі юӧртӧма Израиль войтырлы, найӧ вайисны асланыс медводдза быдтасысь уна нянь, вина, вый, ма да мукӧдторъяс, мый быдмӧ видз-му вылын. Найӧ вайисны тшӧтш асланыс овмӧс-эмбурысь дасӧд юкӧнсӧ.

Ӧксыяслӧн 4 небӧг 4:42

Ваал-Шалиша карысь локтіс ӧти морт да вайис Енлӧн морт Елисейлы выль воӧм нянь: пӧжалӧм кызь ид нянь да уль тусьяс кышнас. Елисей шуис кесйӧгыслы: «Сетав йӧзыслы, мед сёясны».

Петӧм 23:15

Менам тшӧктӧм серти индӧм кадӧ авив тӧлысьӧ сизим лун чӧж пасйӧй Шомтӧм нянь сёян лунъяс. Сёйӧй сэки шомтӧм нянь. Ӧд авив тӧлысьӧ ті петінныд Египетысь. Энӧ локтӧй Ме водзӧ куш киӧн.

Петӧм 34:20

Медводдза чужысь осёлпиысь вештысь баляпиӧн, а он кӧ кӧсйы вештысьны, песовт осёлпилысь сьылісӧ. Тшӧтш аслад медводдза чужысь пиысь вештысь. Ме водзӧ куш киӧн мед некод оз лок.

Лыд 18:13

Налӧн му вылысь медводдза быдтасыс, мый вайӧны Господьлы, лоӧ тэнад. Тэнад котырысь быдӧн, коді сӧстӧм, вермас сёйны сійӧс.

Левит 22:27

«Куканьӧс, баляпиӧс да кӧзапиӧс чужӧм бӧрас видзӧй мам дорас сизим лун, а кӧкъямысӧд лунсяньыс найӧс позьӧ вайны Господьлы вись пыдди.

Индӧд 15:19

«Ыж-мӧсныдлысь став медводдза ай чужысьсӧ вежӧдӧй-торйӧдӧй Господьлы, асланыд Енлы. Энӧ уджӧдӧй медводдза чужысь ӧшкӧс. Энӧ шырӧй ыж-кӧзалысь медводдза чужысьсӧ.