Петӧм 21:20 - Коми Библия 2023

²⁰ Коді беддьӧн вачкас кесйӧгсӧ либӧ кесйӧг аньсӧ кувмӧныс, сійӧс мед мыждасны.

Петӧм 21:20 Referans Kwoze

Римӧ 13:4

Юралысь – Енлӧн кесйӧг, сійӧс пуктӧма тэныд бур вылӧ. Вӧчан кӧ лёксӧ, пов! Оз ӧд весьшӧрӧ сійӧ новлӧдлы шыпурт. Сійӧ – Енлӧн кесйӧг, вермӧ чорыда дойдны лёк вӧчысьӧс.

Шусьӧгъяс 29:19

Кесйӧгыд кыв шуӧмнад оз велав, сійӧ кывсӧ гӧгӧрвоӧ, но оз кывзысь.

Индӧд 19:21

Энӧ нормӧй сьӧлӧмнаныд лёк вӧчысь дінӧ. Олӧмысь перйы олӧм, синмысь – син, пиньысь – пинь, киысь – ки, кокысь – кок. [Кыдзи сійӧ дойдаліс ассьыс матыссасӧ, сылы сідзи жӧ мед вӧчасны.]»

Лыд 35:19

Вир кисьтӧм вӧсна водзӧс перйысь вермас вины морт виысьӧс сыкӧд паныдасигӧн.

Олӧм 9:6

Коді кисьтас мортлысь вир, сылысь вирсӧ тшӧтш кисьтасны, ӧд мортсӧ вӧчӧма Ен кодьӧн.

Олӧм 4:24

Каинысь кӧ сизим пӧвстӧн водзӧссӧ перйисны, Ламекысь сизимдас пӧвстӧн сизимысь перъясны».

Олӧм 4:15

Господь [Ен] сэки шуис: «Каинӧс виысьлысь водзӧссӧ сизим пӧвстӧн лоӧ перйӧма». Господь [Ен] пуктіс Каинлы пас, медым сыкӧд паныдасьысь эз ви сійӧс.

Петӧм 21:19

но бӧрынджык чеччас да кутас ветлӧдлыны беддьӧн, сійӧс вачкысьӧс мед оз мыждыны. Сӧмын мед мынтысяс мӧдыслы уджавны вермытӧмсьыс да бурдӧдчӧмсьыс.

Петӧм 21:21

Но кесйӧгыс кӧ олас на лун-мӧд, сэки вачкысьӧс мед оз мыждыны, ӧд кесйӧгыс – сылӧн.