Петӧм 21:1 - Коми Библия 2023

¹ «Висьтав Израиль войтырлы тайӧ тшӧктӧмъяссӧ.

Петӧм 21:1 Referans Kwoze

Индӧд 4:14

Господь тшӧктіс меным велӧдны тіянӧс тайӧ индӧд-тшӧктӧмъясас, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Индӧд 6:20

Локтана кадӧ пиыд юалас тэнсьыд: ”Мыйла Господь, миян Енным, сетіс тайӧ индӧд-тшӧктӧмъяссӧ?”

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Малакий 4:4

Энӧ вунӧдӧй Менам Мӧисей кесйӧглысь Индӧдсӧ, мый Ме сеті сылы Хорив керӧсын, энӧ вунӧдӧй тшӧктӧмъяссӧ, мый Ме сеті став Израиль войтырлы.

Езекиль 20:25

Та вӧсна Ме сеті налы индӧд-тшӧктӧмъяс, мый оз вай бурсӧ да олӧмсӧ.

Езекиль 20:11

Сэні Ме сеті налы индӧд-тшӧктӧмъясӧс, и на серти олысь видзас ассьыс олӧмсӧ.

Неемий 10:29

ӧтувтчисны асланыс веськӧдлысьяскӧд да кыв сетӧмӧн кӧсйысисны кутчысьны Енлӧн Индӧдӧ, мый Мӧисей, Енлӧн кесйӧг, сетіс налы. Кӧсйысисны овны Господь Ыджыдлӧн став индӧд-тшӧктӧмыс серти.

2 Каднебӧг 19:10

Кор мукӧд каръясын олысь вокъясныд локтасны тіян дінӧ вир кисьтӧм понда либӧ индӧд-тшӧктӧм торкӧм йылысь вензьӧмъясӧн, сэки туйдӧдӧй-ӧлӧдӧй найӧс. Тадзи кӧ вӧчанныд, найӧ оз мыжмыны Господь водзын, ті тшӧтш онӧ мыжмӧй, и Господьлӧн скӧрлуныс оз су тіянӧс да вокъяснытӧ.

Ӧксыяслӧн 3 небӧг 6:12

«Со, ӧні тэ лэптан крам. Тэ кӧ кутан овны Менам индӧд-тшӧктӧмъяс серти, Ме збыльмӧда кӧсйысьӧмӧс, мый тэ йылысь шулі Давид батьыдлы.

Индӧд 6:1

«Господь, тіян Енныд, тшӧктіс велӧдны тіянӧс индӧд-тшӧктӧмъясӧ, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Индӧд 5:31

А тэ кольччы татчӧ Мекӧд. Ме висьтала тэныд став индӧд-тшӧктӧмсӧ, мыйӧ тэ сэсся велӧдан найӧс. Мед на серти оласны сійӧ муас, мый Ме сета налы”.

Индӧд 5:1

Мӧисей чукӧртіс став Израиль войтырсӧ да шуис: «Кывзы, Израиль! Талун ме висьтала тіянлы индӧд-тшӧктӧмъяс. Велӧдӧй найӧс да олӧй на серти.

Индӧд 4:45

Сійӧ висьталіс налы индӧд-тшӧктӧмъяссӧ Египетысь петӧм бӧрын [овтӧминын],

Индӧд 4:8

Эм-ӧ нӧшта сэтшӧм вына войтырыс, кодлӧн индӧд-тшӧктӧмъясыс веськыдӧсь, кыдзи тайӧ Индӧдыс, мый талун ме юӧрта тіянлы?

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Лыд 36:13

Тайӧ индӧд-тшӧктӧмъяссӧ Господь сетіс Израиль пиянлы Мӧисей пыр Моав ласта вылын Йӧрдан ю бокын, Ериконлы воча.

Лыд 35:24

сэки морт виысь да водзӧс перйысь костын венсӧ колӧ видлавны войтыр водзын тайӧ тшӧктӧмыс серти.

Левит 20:22

Кутчысьӧй Менам индӧд-тшӧктӧмъясӧ, олӧй на серти, сэки муыс, кытчӧ тіянӧс нуӧда, оз быликты тіянӧс.

Левит 19:37

Кутчысьӧй Менам индӧд-тшӧктӧмъясӧ, олӧй на серти. Ме – Господь [тіян Енныд]».

Левит 18:26

Но ті олӧй Менам индӧд-тшӧктӧмъяс серти, энӧ вӧчӧй тайӧ зывӧкторъяссӧ, ни вужвойтыр, ни йӧз муысь локтысьяс.

Левит 18:5

Кутчысьӧй Менам индӧд-тшӧктӧмъясӧ. На серти олысь наӧн пондас овны. Ме – Господь [тіян Енныд].

Петӧм 19:7

Керӧс вылысь лэччӧм бӧрас Мӧисей чукӧртіс войтырыслысь юрнуӧдысьясӧс да висьталіс налы став тайӧ кывъяссӧ, мый висьталіс сылы Господь.

Индӧд 15:12

«Тэнад еврей войтырысь кӧ айлов либӧ ань вузалас асьсӧ тэныд кесйӧг туйӧ, сійӧ мед уджалас тэ ордын квайт во чӧж, а сизимӧд вонас лэдз сійӧс вӧля вылӧ.