4 Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.
«Энӧ вӧчӧй бӧлбанъясӧс, энӧ сувтӧдӧй из сюръяяс да серпасалӧм изъяс, медым налы юрбитны. Ме – Господь, тіян Енныд.
Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.
Мед шызяс саридзыс да ставыс, мый сэні эм, мед шызяс муыс да став сэні олысьыс.
Энӧ юрбитӧй идолъяслы, энӧ сывдӧй-вӧчӧй аслыныд бӧлбанъясӧс. Ме – Господь, тіян Енныд.
Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.
”Ёрӧм улӧ веськалӧ быдӧн, коді сывдӧмӧн либӧ мӧд ногӧн вӧчӧ бӧлбанӧс – Господьлы зывӧкторйӧс – да гусяинын юрбитӧ сылы”. И став войтырыс мед шуас: ”Мед лоӧ тадзи!”
Медводдза анделыс петіс да кисьтіс ассьыс чашасӧ му вылӧ. Сэки найӧ, кодъяс новлӧдлісны зверлысь пассӧ да копрасисны сылӧн серпаслы, вевттьысисны чорыд орзьӧм дойясӧн.
Пыр олысь Енмӧс нимӧдӧм пыдди пондісны юрбитны быранаыслы: морт, лэбач, пемӧс да веглясьысь сяма вӧчӧмторъяслы.
Янӧдӧма лоӧ найӧс, юръяндзим лоӧ налы, яналӧмӧн мунасны ставныс, кодъяс вӧчӧны идолъясӧс.
Ме – Господь, тайӧ Менам нимӧй. Ассьым дзирдлунӧс Ме некодлы ог сет. Ошкӧмсӧ, мый лӧсялӧ Меным, ог сет идолъяслы.
Ме пыри да аддзи, мый стен пасьталаыс вӧлі серпасалӧма гаг-веглясьысьясӧс, пеж пемӧсъясӧс да Израиль войтырлысь идолъяссӧ.
Мукӧд йӧзыс, кодъяс тайӧ бырӧданторъяссьыс ловйӧн колины, эз бергӧдчыны асланыс лёк уджъясысь. Найӧ важ мозыс копрасисны мутияслы да зарниысь, эзысьысь, ыргӧнысь, изйысь да пуысь вӧчӧм идолъяслы, кодъяс оз вермыны аддзыны, кывны ни ветлыны.
Сэки пышъясны, яналасны идол вылӧ лача кутысьяс, кодъяс шуалӧны бӧлбанъяслы: «Ті – миян енъяс!»
Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.
Туйдӧдысьяскӧд сёрнитчӧм бӧрын Еровам ӧксы вӧчис кык зарни ӧшкӧс. Сэсся шуис войтырыслы: «Тіянлы оз ков ветлыны Ерусалимӧ. Израиль, со тэнад енъясыд, кодъяс петкӧдісны тэнӧ Египетысь».
Энӧ сывдӧй аслыныд бӧлбанъясӧс.
Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».
Найӧ шуисны меным: ”Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь”.
Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»
Ме сёрнита сыкӧд ог нӧдкывъяс пыр, а воча чужӧмӧн да восьсӧн, и сійӧ аддзӧ Менсьым пертасӧс. Кыдзи ті лысьтанныд шуасьны Менам Мӧисей кесйӧг вылӧ?»
Микей бӧр сетіс мамыслы сюрс сё сикель эзысьсӧ. Мамыс шуис: «Тайӧ эзысьсӧ ме вежӧда-торйӧда Господьлы пиӧй вӧсна. Ме вӧчӧда эзысь бӧлбанӧс да сета тэныд, пиӧй».
Найӧ юрбитісны идолъяслы, эз кывзыны Господьлысь ӧлӧдӧмсӧ.
Сійӧ нюжӧдіс ки сямаӧс да босьтіс менӧ юрсиӧд. Лов кыпӧдіс менӧ енэжа-муа костас да вайӧдіс Ерусалимӧ. Тайӧ вӧлі Енсянь петкӧдлӧм. Лов сувтӧдіс менӧ пытшкӧс йӧрлӧн войвывса дзиръя дорӧ, кӧні сулаліс Господьлысь вежӧгтӧмсӧ кыпӧдысь бӧлбан.
Ме тшӧкті налы, медым вештасны син водзсьыныс зывӧкторъяссӧ да дугдасны пежавны асьнысӧ египетса идолъясӧн, ӧд Ме – Господь, налӧн Ен.
Энӧ вӧчӧй аслыныд эзысь да зарни енъясӧс.
Сійӧ босьтіс ставсӧ, сывдіс да вӧчис-мольӧдіс ӧшкӧс. Йӧзыс шуисны: «Израиль, тайӧ тэнад ен, сійӧ петкӧдіс тэнӧ Египет муысь!»
Энӧ сувтӧдӧй юрбитан изъяс, ӧд Господь, тіян Енныд, мустӧмтӧ тайӧс».