Петӧм 2:6 - Коми Библия 2023

⁶ Кудсӧ восьтӧм бӧрас аддзис сэтысь кагаӧс. Кагаыс бӧрдіс. Фараон нывлӧн нормис сьӧлӧмыс, и сійӧ шуис: «Тайӧ кагаыс еврейяслӧн».

Петӧм 2:6 Referans Kwoze

1 Петыр 3:8

Медбӧрти кӧсъя шуны тіянлы: олӧй ӧти сьӧлӧмӧн да ӧти лолӧн, радейтӧй ӧта-мӧднытӧ, лоӧй меліӧсь да рамӧсь.

Ап. уджъяс 7:21

Кор вӧлі кольӧма Мӧисейӧс, фараонлӧн нылыс босьтіс сійӧс да быдтіс пи пыдди.

Ӧксыяслӧн 3 небӧг 8:50

Прӧстит Ассьыд войтыртӧ, ӧд найӧ мыж вӧчисны Тэныд паныд. Прӧстит налысь мыжъяснысӧ. Небзьӧд пленӧ босьтысьяслысь сьӧлӧмсӧ, медым найӧ вӧліны бур сьӧлӧмаӧсь Тэнад войтырыд дінӧ.

Неемий 1:11

Кевма Тэныд, Господьӧй, копырт пельтӧ Аслад кесйӧглань! Кыв менсьым да став Аслад кесйӧглысь кевмӧмсӧ, ӧд ми кӧсъям вежавидзны Тэысь. Талун отсав меным, Аслад кесйӧглы, сійӧн, мый ӧксы лоас бур сьӧлӧма ме дінӧ». Сійӧ кадас ме вӧлі ӧксылӧн вина кисьталысьӧн.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Петӧм 2:5

Ю дорӧ локтіс фараонлӧн нылыс. Сійӧ кутіс мыссьыны, а сылӧн кесйӧг аньясыс ветлӧдлісны ю пӧлӧнті. Фараон ныв аддзис эжӧр пиысь куд да тшӧктіс кесйӧг аньыслы судзӧдны сійӧс.

Петӧм 2:7

Кагалӧн чойыс юаліс фараон нывлысь: «Гашкӧ, ме ветла да кора тэныд еврей аньӧс, мед сійӧ нёньӧдас тайӧ кагасӧ?»

Еремей 34:9

Ставныслы колӧ вӧлі лэдзны вӧля вылӧ ассьыныс еврей кесйӧгъяснысӧ, тшӧтш кесйӧг аньяснысӧ. Некодлы оз позь вӧлі уджӧдны иудей воксӧ кесйӧгӧс моз.

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».