Петӧм 2:3 - Коми Библия 2023

³ Но кор дзеблавнысӧ эз нин вермы, босьтіс юсьпӧлянысь кыӧм куд, мавтіс кудсӧ медводз сьӧд сирӧн, а сэсся пу сирӧн. Кагасӧ пуктіс кудйӧ, нуис кудсӧ Нил ю бокӧ да лэдзис ваӧ эжӧр пиӧ.

Петӧм 2:3 Referans Kwoze

Петӧм 1:22

Аслас войтырлы фараон тшӧктіс: «Еврейяслысь став пузчужӧм пи кагасӧ шыблалӧй Нил юӧ, а нывъяссӧ ловйӧн кольӧй».

Ап. уджъяс 7:19

Сійӧ наяна пӧрйӧдліс миянлысь войтырнымӧс, дзескӧдіс батьяснымӧс, тшӧктіс налы эновтны ассьыныс пузчужӧм кагаяссӧ, медым найӧ ловйӧн эз кольны.

Олӧм 6:14

Тэ вӧч аслыд гофер пуысь ковчег, сэні вӧч жыръяс да сирав ковчегсӧ пытшкӧссяньыс и ортсысяньыс.

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.

Исай 18:2

Сійӧ мӧдӧдӧ йӧзсӧ саридз вывті, юсьпӧлянысь вӧчӧм пыжъясӧн ваяс вывті. Тэрыб кокаяс, нуӧй юӧр, мунӧй ён вына войтыр дінӧ, ыджыд тушаа йӧз дінӧ, кодъяслысь юрсисӧ да тошсӧ шырӧма. Тайӧ войтырсьыс быдлаын полӧны, найӧ ставнысӧ нартитӧны. Налысь мусӧ вожӧдӧны юяс.

Матвей 2:13

Тӧдысьяслӧн мунӧм бӧрын Господьлӧн андел петкӧдчис Ӧсиплы вӧтас да шуис: «Чеччы, босьт кагатӧ мамыскӧд да пышйы Египет муӧ. Ов сэні менам шутӧдз. Ирӧд кутас корсьны кагатӧ, мед вины Сійӧс».

Олӧм 11:3

Ӧта-мӧдныслы шуисны: «Вӧчамӧй сёйысь биын сотӧмӧн кирпич». Тадзи из пыдди кутісны вӧдитчыны кирпичӧн, а кориз пыдди – сьӧд сирӧн.

Исай 19:6

Египетса юяс дуксясны, висъяс ляпкаласны да косьмасны, эжӧр да юсьпӧлян нярмасны.

Олӧм 14:10

Сиддим ковтысын вӧлі уна сир гу. Содомса да гомораса ӧксыяс пышйиганыс усьласисны сир гуясӧ, а мукӧдыс пышйисны керӧсъясӧ.

Исай 35:7

Пӧсь лыа лоас тыӧн, косьмӧм му – ва петанінӧн. Шакалъяслӧн оланінын кутас быдмыны эжӧр да юсьпӧлян.