Петӧм 2:23 - Коми Библия 2023

²³ Уна во коли. Египетса ӧксы куліс. Израиль пиян ойзӧмӧн ойзісны сьӧкыд уджысь. Налӧн горзӧмыс воис Енмӧдз.

Петӧм 2:23 Referans Kwoze

Яков 5:4

Со, кылӧ тіян му вылын уджалысьяслӧн горзӧмыс, ӧд ті энӧ мынтысьӧй налы. Налӧн горзӧмыс воис Господь Саваофлӧн пельӧдзыс.

Ап. уджъяс 7:30

Нелямын во мысти овтӧминын, Синай керӧс дорын, ӧзъялысь лежнӧг пытшкын Мӧисейлы петкӧдчис Господьлӧн андел.

Олӧм 16:11

Тэ ӧні кынӧма. Тэ чужтан пиӧс да пуктан сылы Измаил ним, ӧд тэнад шоглун дырйи Господь кыліс тэнӧ.

Исай 19:20

Тайӧ изйыс лоӧ египетсаяслы пасӧн, сійӧ кутас висьтавны Господь Саваоф йылысь. Кор найӧс кутасны дзескӧдны, найӧ шыасясны Господь дінӧ, и Сійӧ мӧдӧдас налы мездысьӧс. Сійӧ доръяс да мездас найӧс.

Псалтыр 18:6

Сэтысь шонді долыда петӧ, кыдзи верӧспу аслас гӧтрасян вежӧсысь, кыдзи панласьысь нимкодьпырысь котӧртӧ аслас туйӧд.

Псалтыр 12:5

медым менӧ мустӧмтысь эз вермы менӧ, медым менӧ дзескӧдысь эз нимкодясь, кор ме уся.

Неемий 9:9

Тэ аддзин миян батьяслысь Египетын сьӧкыдалӧмсӧ, кылін налысь горзӧмсӧ Гӧрд саридз дорын.

Индӧд 24:15

Вештысь сылы шонді пуксьытӧдзыс сійӧ жӧ лунӧ, ӧд гӧльлун вӧснаыс сійӧ виччысьӧ ассьыс удждонсӧ. Он кӧ вӧч тадзи, сійӧ шыасяс Господь дінӧ, норасяс тэ вылӧ, и тэ мыжа лоан.

Петӧм 4:19

Мадиан муын Господь шуис Мӧисейлы: «Мун бӧр Египетӧ. Кодъяс кӧсйисны вины тэнӧ, найӧ абу нин ловъяӧсь».

Олӧм 4:10

Господь шуис сылы: «Мый тэ вӧчин? Вокыдлӧн вирыс горзӧ Ме дінӧ му вывсянь.

Лыд 20:16

Но кор ми шыасим Господь дінӧ, Сійӧ кыліс миянӧс да мӧдӧдіс анделсӧ, медым петкӧдны миянӧс Египетысь. Ӧні ми сулалам Кадеш карын, кысянь заводитчӧ тэнад муыд.

Петӧм 7:7

Мӧисейлы вӧлі кӧкъямысдас арӧс, а сылӧн Аарон воклы – кӧкъямысдас куим, кор найӧ сёрнитісны фараонкӧд.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Петӧм 1:14

Курыд синва сора лои олӧмыс Израиль войтырлӧн. Найӧс ёна нартитісны, тшӧктісны вӧчны быдпӧлӧс сьӧкыд уджсӧ: талявны сёй, вӧчавны кирпич, уджавны видз-му вылын.

Петӧм 6:5

Ме кылі, кыдзи ойзӧны Израиль пиян египетсалӧн нартитӧм улын, да тӧд вылӧ уськӧді Ассьым йитӧдӧс.

Петӧм 6:9

Мӧисей висьталіс тайӧ кывъяссӧ Израиль пиянлы, но шогалӧм да сьӧкыд удж вӧснаныс найӧ эз кывзыны сійӧс.

Ӧксыяслӧн 1 небӧг 12:8

Яковлӧн Египетӧ локтӧм бӧрын нартитӧм вӧсна батьясныд ойзӧмӧн-бӧрдӧмӧн шыасисны Господь дінӧ. Сэки Сійӧ мӧдӧдіс Мӧисейӧс Ааронкӧд, и найӧ петкӧдісны тіянлысь батьяснытӧ Египетысь да овмӧдісны найӧс татчӧ.

Иов 35:9

Йӧзыс ойзӧны дзескӧдӧмысь, горзӧны вынаяслӧн нартитӧмысь.

Псалтыр 102:1

Давидлӧн псалом. Ошкы Господьӧс, менам лолӧй! Став пытшкӧсӧй, ошкы Сылысь вежа нимсӧ!

Ёрдысьяс 4:3

Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Ӧксыяслӧн 1 небӧг 9:16

«Аски тайӧ кадас Ме мӧдӧда тэ дінӧ Венямин муысь мортӧс. Тэ мавтышт сійӧс, пукты юралысьӧ Менам Израиль войтырлы. Сійӧ мездас Менсьым войтырӧс филистимсаяслӧн киысь, ӧд Ме видзӧдлі Аслам войтыр вылӧ да кылі налысь ойзӧмсӧ».

Псалтыр 102:2

Ошкы Господьӧс, менам лолӧй, эн вунӧд Сылысь став бур вӧчӧмсӧ!