Петӧм 2:11 - Коми Библия 2023

¹¹ Коли кад. Мӧисей верстяммис. Ӧтчыд сійӧ локтіс еврей вокъяс дінӧ да аддзис налысь сьӧкыда уджалӧмсӧ. Мӧисейлы син улас уси, кыдзи египетса морт нӧйтӧ еврейӧс.

Петӧм 2:11 Referans Kwoze

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Исай 58:6

Ме кӧсъя татшӧм видзалӧм: орӧд ылӧгыслысь кӧртӧдъяссӧ, разь сийӧслысь гӧрӧдъяссӧ, мезды нартитӧмаӧс, жугӧд быдпӧлӧс сийӧссӧ,

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Петӧм 5:14

Фараонлӧн уджӧдысь-нартитысьяс нӧйтісны израильсаясӧс, кодъясӧс вӧлі пуктӧмаӧсь видзӧдны удж бӧрся. Уджӧдысь-нартитысьяс юасисны удж бӧрся видзӧдысьяслысь: «Мыйла кирпичсӧ воддза мындаыс ни тӧрыт, ни талун энӧ вӧчӧй?»

Петӧм 5:9

Содтӧй налы уджсӧ! Мед уджалӧны да ылӧг сёрнияс оз кывзыны».

Петӧм 5:4

Египетса ӧксы шуис налы: «Мӧисей да Аарон, мыйла ті падмӧданныд войтырӧс уджысь? Мунӧй [ставныд], уджалӧй!»

Петӧм 5:5

«Вывті уна войтырӧс ті кӧсъянныд торкны уджысь», – содтіс фараон.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.