Петӧм 19:6 - Коми Библия 2023

⁶ Ті лоанныд Менам попъясӧн да вежа войтырӧн. Висьтав тайӧ кывъяссӧ Израиль пиянлы».

Петӧм 19:6 Referans Kwoze

Восьтӧм 5:10

Тэ пуктін миянӧс ӧксыясӧ да попъясӧ миян Енлы. Ми кутам ыджыдавны му вылас.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

1 Петыр 2:5

да вайӧй асьнытӧ ловъя из пыдди, медым Ен вӧчас тіянысь Аслас Ловлы оланін. Сэки лоанныд вежа поп котырӧн да кутанныд вайны Ловсянь вись, мый лоӧ шогмана Енмыслы Исус Кристос пыр.

Восьтӧм 1:6

пуктіс миянӧс ӧксыясӧ да попъясӧ Енмыслы, Аслас Батьлы. Сылы ошкӧмыс, Сылӧн ыджыдалӧмыс нэмъяс чӧж! Аминь.

Индӧд 7:6

Ӧд ті – Господь Енлӧн вежа войтырыс. Господь, тіян Енныд, бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 28:9

Господь [тіян Енныд] вӧчас тіянӧс Аслас вежа войтырӧн, ті кӧ кутанныд овны асланыд Господь Енлӧн тшӧктӧмъяс серти да ветлыны Сылӧн туйясӧд. Ӧд та йылысь Сійӧ кыв сетіс тіянлы [да батьясныдлы].

Исай 62:12

Найӧс шуасны Вежа войтырӧн, Господьлӧн мездмӧм йӧзӧн, а тэнӧ шуасны Мусаӧн, Карӧн, мый оз ло эновтӧма.

Индӧд 26:19

Сійӧ вӧчис войтыръясӧс, но наысь вылӧ кӧсйысис кыпӧдны тіянӧс, медым ті ошкинныд, пыдди пуктінныд да нимӧдінныд Сійӧс. Сэки ті лоанныд асланыд Господь Енлӧн вежа войтырӧн, кыдзи Сійӧ кӧсйысис».

Левит 19:2

«Висьтав став Израиль войтырлы: лоӧй вежаӧсь, ӧд Ме вежа. Ме – Господь, тіян Енныд.

Римӧ 12:1

Вокъяс, Енлӧн ыджыд буралӧмыс вӧсна кора тіянӧс: сетӧй асьнытӧ Енлы ловъя, вежа да шогмана вись пыдди. Тайӧ лоӧ бур мывкыда кесъялӧм Енмыслы.

Восьтӧм 20:6

Шудаӧсь да вежаӧсь найӧ, кодъяс ловзясны медводдза ловзьӧдігӧн. Мӧд кулӧмыслӧн выныс на вылын оз нин ло. Енлӧн да Кристослӧн попъясӧн найӧ кутасны ыджыдавны Кристоскӧд сюрс во чӧж.

1 Коринфӧ 3:17

Коді жугӧдас Енлысь оланінсӧ, Енмыс сійӧс асьсӧ жугӧдас, ӧд ті – Енлӧн оланін, а Енлӧн оланіныс вежа.

Исай 61:6

А тіянӧс пондасны шуны Господьлы кесъялысь попъясӧн, миян Енлӧн кесйӧгъясӧн. Ті понданныд вӧдитчыны войтыръяслӧн озырлунӧн, налӧн нималӧмыс вичмас тшӧтш тіянлы.

Левит 20:26

Лоӧй вежаӧсь Ме водзын, ӧд Ме вежа. Ме – Господь [тіян Енныд]. Ме торйӧді тіянӧс мукӧд войтыръясысь, медым ті вӧлінныд Менам.

Индӧд 14:21

Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».

Левит 21:23

Но аслас тырмытӧмтор вӧсна сылы оз позь пырны Вежаинӧ либӧ матыстчыны висьпуктанін дорӧ, медым эз пежав Менсьым вежаинӧс. Ме – Господь, попъясӧс Вежӧдысь».

Левит 20:24

А тіянлы Ме шуи, мый ті босьтанныд налысь мусӧ. Ме сета тіянлы му, кӧні визувтӧ йӧв да ма. Ме – Господь, тіян Енныд. Ме торйӧді тіянӧс мукӧд войтыръясысь.

1 Фессалоникаӧ 5:27

Кора тіянӧс Господь нимӧн: лыддьӧй тайӧ гижӧдсӧ став вежа вокъяслы.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Петӧм 22:31

Лоӧй Менам вежа войтырӧн. Энӧ сёйӧй зверӧн косявлӧм пемӧслысь яйсӧ, шыбитӧй сійӧс понъяслы.

Ӧксыяслӧн 3 небӧг 3:8

Тэнад бӧрйӧм войтырлӧн лыдыс сы мында, мый некод оз вермы лыддьыны-артавнысӧ, а Ме, тэнад кесйӧг – налӧн веськӧдлысь.

Ӧксыяслӧн 3 небӧг 8:53

Господьӧй Ыджыдӧй, Египетысь батьяснымӧс петкӧдігӧн Тэ торйӧдін найӧс Аслыд мувывса став войтыр пӧвстысь, кыдзи шулін аслад Мӧисей кесйӧг пыр».

1 Каднебӧг 17:22

Тэ вӧчин Израиль войтырӧс Аслад войтырӧн пыр кежлӧ. И Тэ, Господьӧй, лоин налӧн Енмӧн.

Исай 43:4

Тэ ёна дона Менам син водзын, Ме радейта тэнӧ, та вӧсна сета тэ пыдди мукӧд йӧзӧс, сета мукӧд войтырӧс, медым мездыны тэнӧ.

Исай 66:21

Кодсюрӧӧс на пӧвстысь Ме пукта кесъявны попъясӧн да левитъясӧн, – висьталӧ Господь.

Еремей 2:3

Израиль – Господьлӧн вежаторйыс, Сылӧн медводдза вотӧсыс. Ставнысӧ, кодъяс ньылыштісны сійӧс, вӧлі мыждӧма, ыджыд шог суис найӧс, – висьталӧ Господь.

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Еремей 13:11

Кыдзи мортлӧн вӧньыс вир-яй бердас, сідзи Ме босьті Ас бердӧ Израиль да Иуда войтыръясӧс, медым найӧ вӧліны Менам войтырӧн да ошкисны-нимӧдісны Менӧ, – висьталӧ Господь. – Но найӧ эз кывзыны Менӧ.

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Петӧм 28:36

Весалӧм зарниысь вӧч пӧвтор да вундалӧмӧн гиж сэтчӧ ”вежӧдӧма-торйӧдӧма Господьлы”.

Лыд 16:3

Найӧ чукӧртчисны Мӧисей да Аарон дінӧ да шуисны: «Тырмас тіянлы! Став войтырыс вежа, и на пӧвстын Господь. Мыйла ті асьнытӧ ыджыдавны пуктанныд Господьлӧн войтырыс вылын?»

Псалтыр 114:2

Сійӧ копыртіс мелань пельсӧ, та вӧсна став олӧм чӧж кута шыасьны Сы дінӧ.

Аггей 2:5

Египетысь тіян петігӧн Ме кӧсйысьлі, мый Менам Лолӧй лоӧ тіянкӧд. Сідзкӧ, энӧ полӧй!