Петӧм 19:22 - Коми Библия 2023

²² А попъяслы, кодъяс кӧсйӧны матыстчыны Господь [Ен] дінӧ, колӧ вежӧдны-сӧстӧммӧдны асьнысӧ, медым Господь эз бырӧд найӧс».

Петӧм 19:22 Referans Kwoze

Петӧм 24:5

Израильса том войтырӧс мӧдӧдіс вайны сотан висьяс да начкыны ӧшъясӧс, медым бурасян вись вайны Господьлы.

Ап. уджъяс 5:10

Дзик пыр Сапфира усис Петыр кок дорӧ да сылӧн лолыс петіс. Пырысьяс аддзисны сійӧс кулӧмаӧн, сэки петкӧдісны да гуалісны сійӧс верӧсыскӧд орччӧн.

Ап. уджъяс 5:5

Тайӧс кылӧм бӧрын Ананий усис да сылӧн лолыс петіс. Та йылысь кывлысьясӧс ставнысӧ ыджыд полӧм босьтіс.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

2 Каднебӧг 30:15

Мӧд тӧлысьлӧн дас нёльӧд лунӧ начкисны ыджыдлунся баляясӧс. Попъяслы да левитъяслы яндзим вӧлі, мый ас кадӧ найӧ эз вежӧдны-сӧстӧммӧдны асьнысӧ, та вӧсна ӧні тайӧс вӧчисны. Сэсся найӧ вайисны Господьлӧн крамӧ сотан висьяс.

2 Каднебӧг 30:3

Найӧ эз вермыны пасйыны Ыджыд лунсӧ колана кадӧ, ӧд эз на вӧвны тырмымӧн попъяс, кодъяс эськӧ вӧлі вежӧдӧмаӧсь-сӧстӧммӧдӧмаӧсь нин асьнысӧ, и войтырыс абу на вӧлі чукӧртчӧма Ерусалимӧ.

1 Каднебӧг 15:13

Водзынджык энӧ ті новлӧдлӧй кудсӧ, та вӧсна Господь, миян Енным, мыждіс миянӧс, ӧд ми эгӧ шогмана ногӧн шыасьлӧй Сы дінӧ».

Петӧм 19:5

Ті кӧ кутанныд кывзысьны Менсьым да оланныд йитӧд серти, мый Ме кӧрталі тіянкӧд, сэки войтыръяс пӧвстысь ті лоанныд Менам войтырӧн. Муыс ӧд ставнас Менам.

Петӧм 19:24

Господь шуис сылы: «Ӧні лэччы, а бӧрсӧ кай Ааронкӧд. Попъяс да войтырыд мед оз кайны Ме дінӧ, медым Ме эг бырӧд найӧс».

Левит 21:6

Аслас Ен водзын поп мед лоас вежа. Мед оз янӧд аслас Енлысь нимсӧ, ӧд сійӧ вись вайӧ Господьлы, нянь – аслас Енлы. Та вӧсна сылы колӧ лоны вежаӧн.

Лыд 11:18

Войтырыдлы тшӧкты вежӧдны-сӧстӧммӧдны асьнысӧ аски кежлӧ, ӧд аски кутанныд сёйны яй. Ті Господь водзын бӧрдінныд-шуалінныд: ”Яй кӧ эськӧ сёйыштны. Египетын миянлы вӧлі бурджык”. Та вӧсна Господь сетас тіянлы яй, и ті сёянныд.