Петӧм 19:12 - Коми Библия 2023

¹² Керӧс гӧгӧрыс нуӧд визь да йӧзыслы шу, мед оз кайны керӧс вылӧ, оз инмӧдчывны керӧс горулас. Быдӧнӧс, коді инмӧдчас керӧсас, лоӧ виӧма.

Петӧм 19:12 Referans Kwoze

Нав Исус 3:4

Тадзи ті кутанныд тӧдны мунан туйсӧ, ӧд сійӧ туйӧдыс ті энӧ на ветлӧй. Куд да тіян костын мед лоас кык сюрс гырддза кымын коласт, таысь матӧджык Йитӧд куд дорӧ энӧ матыстчӧй».

Индӧд 4:9

Сюся видзӧдӧй ас бӧрсяныд, видзӧй сьӧлӧмнытӧ. Энӧ вунӧдӧй, мый аддзылінныд асланыд синмӧн, видзӧй сійӧс сьӧлӧманыд став олан лунъяс чӧжныд да висьталӧй сы йылысь асланыд ныв-пилы да налӧн ныв-пиыслы.

Индӧд 2:4

Войтырыдлы висьтав: ті кутанныд мунны Сеир керӧсвыв муӧд, кӧні олӧны Исав пиян, тіян вокъясныд. Найӧ повзясны тіянысь, но видзчысьӧй,

Петӧм 34:12

Видзӧдӧй, медым сійӧ муын, кытчӧ ті овмӧдчанныд, энӧ кӧрталӧй йитӧд сэні олысьяскӧд. Кӧрталанныд кӧ, налькйӧ шеданныд.

Петӧм 19:23

Мӧисей шуис Господьлы: «Войтырыс оз кай Синай керӧс вылӧ, Тэ ӧд чорыда ӧлӧдін миянӧс, тшӧктін керӧс гӧгӧрыс визь нуӧдны да вежӧдны керӧссӧ».

Петӧм 19:21

Господь шуис Мӧисейлы: «Лэччы да ӧлӧд войтыртӧ, мед оз матыстчыны Ме дінӧ. Матыстчасны кӧ, сэки унаӧн куласны.

Петӧм 10:28

Фараон шуис Мӧисейлы: «Мун ме дінысь! Син водзӧ эн петкӧдчы. Тӧд, мый сійӧ лунӧ, кор локтан ме дінӧ, тэ кулан».

Еврейяслы 12:18

Ті матыстчинныд энӧ мувывса ыпъялысь керӧс дінӧ, паныдасинныд энӧ бушковкӧд да сап пемыдыскӧд,

Петӧм 34:3

Тэкӧд мед некод оз лок. Некод мед оз кай керӧсӧ, весиг ыж-мӧс мед оз йирсьыны керӧс горулас».

Петӧм 24:2

Тэ, Мӧисей, ӧтнад матыстчы Ме дінӧ. Мукӧдыс мед оз матыстчыны, и войтырыс мед керӧс вылӧ оз кай».