Петӧм 17:10 - Коми Библия 2023

¹⁰ Исус кывзысис Мӧисейлысь да муніс тышкасьны амаликъяскӧд, а Мӧисей, Аарон да Хур кайисны керӧс йылӧ.

Петӧм 17:10 Referans Kwoze

Петӧм 24:14

Юрнуӧдысьяслы шуис: «Виччысьӧй тані, кытчӧдз ми огӧ бӧр локтӧй. Аарон да Хур кольччасны тіянкӧд. Кодлӧн кутшӧм мог лоӧ, мед шыасясны на дорӧ».

Нав Исус 11:15

Кыдзи Господь тшӧктіс Аслас Мӧисей кесйӧглы, сідзи Мӧисей тшӧктіс Исуслы. Исус нинӧм эз торк сыысь, мый Господь тшӧктіс Мӧисейлы.

Петӧм 31:2

«Тӧд, мый Ме бӧрйи Иуда чужанкотырысь Хур Урилысь Безалел писӧ.

Петӧм 17:12

Но Мӧисейлӧн киыс дзикӧдз жуяліс. Сэки Аарон да Хур вайисны сылы из, медым сійӧ пуксис из вылас. Мӧисей пуксис, а Аарон да Хур лэптісны сылысь кисӧ, ӧтиыс кутіс ӧтар кисӧ, а мӧдыс – мӧдарсӧ. Мӧисейлӧн киыс шонді пуксьытӧдзыс пыр вӧлі лэптӧма.

Иоан 15:14

Оланныд кӧ Менам тшӧктӧм серти, ті – Менам ёртъяс.

Иоан 2:5

Сэки мамыс шуис кесйӧгъяслы: «Ставсӧ вӧчӧй Сылӧн шуӧм серти».

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Петӧм 17:11

Кор Мӧисейлӧн киыс вӧлі лэптӧма, сэки вермывліс Израиль, а кор сійӧ кисӧ лэдзліс, вермывлісны амаликъяс.

1 Каднебӧг 2:19

Азува кулӧм бӧрын Калев босьтіс гӧтырӧ Ефрафаӧс. Сійӧ чужтіс Калевлы Хурӧс.