Петӧм 16:23 - Коми Библия 2023

²³ Сійӧ вочавидзис: «Господь висьталіс, мый аски шойччан лун – Господьлӧн вежа шойччан лун. Талун пӧжалӧй, мый кӧсъянныд пӧжавны, да пуӧй, мый кӧсъянныд пуны, а мый онӧ сёйӧй, кольӧй аски кежлӧ».

Петӧм 16:23 Referans Kwoze

Левит 23:3

Квайт лун уджалӧй, а сизимӧд луныс мед лоӧ шойччан лун. Сэки тіян мед лоас вежа чукӧртчӧм, некутшӧм удж энӧ вӧчӧй. Тайӧ луныс мед лоӧ Господьлы сиӧм шойччан лун быдлаын, кӧні кутанныд овны».

Петӧм 31:15

Квайт лун уджалӧй, а сизимӧд луныс – шойччан лун, сиӧма Господьлы. Быдӧнӧс, коді кутас уджавны шойччан лунӧ, колӧ вины.

Лука 23:56

Дзебанінысь воӧм бӧрын аньяс дасьтісны чӧскыд дука мавтасъяс, а шойччан лунӧ Индӧд серти найӧ шойччисны.

Петӧм 23:12

Квайт лун уджав, а сизимӧд луннас шойччы. Тэнад ӧшкыд да осёлыд мед шойччасны. Кесйӧг аньыдлӧн пиыс да йӧз муысь локтысь мед тшӧтш шойччасны.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.

Лыд 11:8

Йӧзыс ветлӧдлісны да чукӧртісны маннасӧ, изісны сійӧс изкиӧн либӧ тойисны гырйын, сэсся пуисны пӧртйын либӧ пӧжалісны сӧчӧнъяс. Сылӧн кӧрыс вӧлі олив выя сӧчӧнлӧн кодь.

Петӧм 16:19

Мӧисей шуис: «Чукӧртӧмсьыныд асылӧдзыс нинӧм энӧ кольӧй».

Индӧд 5:12

Видз шойччан лунтӧ. Сійӧ мед лоас тэныд вежа, кыдзи Господь, тэнад Енмыд, тшӧктіс тэныд.

Неемий 9:13

Тэ лэччин Синай керӧс вылӧ, сёрнитін накӧд енэжсяньыс, сетін налы веськыд Индӧд, бур шуӧмъяс да тшӧктӧмъяс.

Неемий 9:14

Тэ сетін налы тшӧктӧм Аслад вежа шойччан лун йылысь, юӧртін Аслад Мӧисей кесйӧг пыр индӧд-тшӧктӧмъястӧ.

Еремей 17:22

Шойччан лунӧ энӧ петӧй гортсьыныд нопйӧн, энӧ вӧчӧй некутшӧм удж. Шойччан луныс мед лоӧ тіянлы вежа, кыдзи Ме тшӧкті тіян батьяслы.

Лыд 11:7

Маннаыс вӧлі кориандр тусь кодь. Сылӧн рӧмыс вӧлі тшынӧдчан сирлӧн кодь.