Петӧм 15:6 - Коми Библия 2023

⁶ Господьӧй, Тэнад веськыд киыд ошкана да вына, Тэнад веськыд киыд, Господьӧй, пасьвартіс паныд сувтысьӧс.

Петӧм 15:6 Referans Kwoze

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Восьтӧм 2:27

Сійӧ кутас видзны найӧс кӧрт беддьӧн да сёй дозъясӧс моз сійӧ жуглас найӧс торпыригӧдз сійӧ жӧ выннас, кутшӧм вын Меным сетіс Батьӧй.

Псалтыр 60:5

Ме кӧсъя пыр овны Тэнад оланінын, кӧсъя сайӧдчыны Тэнад бордъяс улӧ.

Псалтыр 2:9

Тэ бырӧдан войтыръясӧс кӧрт беддьӧн, сёй дозмукӧс моз жуглан найӧс торпыригӧдз».

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Исай 52:10

Став войтыръяслӧн син водзын Господь петкӧдліс Аслас вежа килысь вынсӧ. Му помын олысьяс ставныс аддзасны миян Енсянь мездӧмсӧ.

Еремей 13:14

Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».

Псалтыр 98:1

Господь ӧксыалӧ! Полӧй-тіралӧй Сыысь, войтыръяс! Сійӧ пукалӧ херувимъяс вылын. Мед сыркакылас муыс!

Псалтыр 77:10

Асныраяс эз видзны Енлысь йитӧдсӧ, эз кӧсйыны овны Сылӧн Индӧд серти.

Псалтыр 74:11

Сійӧ чегъялас Ентӧг олысьяслысь сюръяссӧ, а веськыда олысьясӧс вылӧ кыпӧдас.

Псалтыр 44:3

Ӧксыӧй, став йӧзыс пӧвстысь тэ медся мичаыс, тэнад вомысь петӧны мелі кывъяс, та вӧсна Енмыс бурсиис тэнӧ нэмъяс кежлӧ.

Псалтыр 17:7

Кор менӧ топӧдіс сьӧкыдлун, ме чукӧсті Господьӧс, шыаси аслам Ен дінӧ. Сійӧ кыліс менсьым гӧлӧс шыӧс Аслас вежаинсянь, менам бӧрдӧм шыӧй воис Сылӧн пельӧдзыс.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Исай 30:14

Сійӧс лоӧ жугӧдӧма, кыдзи гырнич вӧчысь жалиттӧг жугӧдӧ сёй гырничсӧ, мый весиг торпыриг оз сюр жуглассьыс, медым пачысь босьтны биа ӧгыр, гӧптысь гумовтны ва.

Петӧм 3:20

Ме лэпта киӧс да мыжда Египетӧс шензьӧданаторъяс вӧчӧм пыр. Сӧмын та бӧрын фараон лэдзас тіянӧс.

Петӧм 6:1

Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Петӧм 15:12

Тэ лэптін веськыд китӧ, и муыс ньылыштіс найӧс.

Петӧм 15:16

Мед дзӧрӧны-полӧны найӧ! Тэнад вына киыд из сюръяӧ пӧртлӧ найӧс, кытчӧдз Тэнад войтырыд оз мун на дінті, войтырыд, кодӧс Тэ ньӧбин Аслыд.

Петӧм 18:8

Мӧисей висьталіс тесьтыслы ставсӧ, мый Господь вӧчис фараонлы да Египетлы Израиль вӧсна. Висьталіс, кутшӧм сьӧкыдлунъяс вӧліны налӧн туяныс, да кыдзи Господь мездіс найӧс [фараон да египетса киысь].

Ӧксыяслӧн 1 небӧг 2:10

Господь бырӧдас Сылы паныд кыпӧдчысьясӧс, енэжсянь гымыштас на вылӧ. [Господь вежа. Мывкыда морт мед оз ошйысь аслас мывкыдлунӧн, вына мед оз ошйысь аслас вынӧн, озыр мед оз ошйысь аслас озырлунӧн. Но ошйысьысь мед ошйысьӧ сыӧн, мый гӧгӧрвоӧ да тӧдӧ Господьӧс.] Господь мыждас муюгыдын олысьясӧс. Сійӧ вынсьӧдас ӧксыӧс, кодӧс бӧрйис, Ассьыс мавтыштӧмаӧс вылӧ кыпӧдас.

Псалтыр 24:8

Господь бур сьӧлӧма да веськыд, Сійӧ веськӧдӧ мыжаясӧс бур туй вылӧ.

Псалтыр 44:4

Вынаӧй, вӧняв коскад ассьыд шыпурттӧ, кышанӧс моз пасьтав ас вылад дзирдлунтӧ да вынтӧ.

Псалтыр 89:14

Быд асыв сет миянлы пӧткӧдчыны Тэнад буралӧмӧн, медым ми нимкодясим да гажӧдчим став олӧм чӧжным.

Исай 63:12

Кӧні Сійӧ, коді нуӧдіс Мӧисейӧс Аслас вына кинас? Кӧні Сійӧ, коді шӧри поткӧдіс саридзсӧ Аслас войтыр водзын, медым нимӧдны Асьсӧ нэмъяс чӧж?