3 Господь – тышын Вермысь, Сылӧн нимыс – Господь!
Господь бур сьӧлӧма да веськыд, Сійӧ веськӧдӧ мыжаясӧс бур туй вылӧ.
Ачыс Господь кутас тышкасьны тіян пыдди, а ті чӧв олӧй!»
Ме – Господь, тайӧ Менам нимӧй. Ассьым дзирдлунӧс Ме некодлы ог сет. Ошкӧмсӧ, мый лӧсялӧ Меным, ог сет идолъяслы.
Та вӧсна ми огӧ полӧй, весиг муыс кӧ кутас вӧрны, керӧсъяс кӧ усясны саридз пыдӧсӧ,
Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.
Мӧисей шуис Енлы: «Ме муна Израиль пиян дінӧ да шуа налы, мый налӧн батьяслӧн Ен ыстіс менӧ на дінӧ. А кор найӧ юаласны менсьым, кыдзи нӧ Сылӧн нимыс, сэки мый меным вочавидзны налы?»
Господь петас тышкаморт моз, шыпурта моз Сійӧ тырас скӧрлунӧн, Сійӧ гораа горӧдас, чукӧстас тыш вылӧ, Сійӧ петкӧдлас Ассьыс вынсӧ паныд сувтысьяслы.
«Господь тадзи висьталӧ: Ме вӧчи мусӧ, сеті сылы мыгӧр да зумыдмӧді сійӧс. Менам нимӧй – Господь.
Ен шуис Мӧисейлы: «Ме Сійӧ, коді эм. Висьтав Израиль пиянлы, мый тэнӧ мӧдӧдіс Сійӧ, кодлӧн нимыс ”Ме эм”».
Господь вӧчис сідзи, мый тарантасысь гӧгыльясыс усьласисны, и египетсаяс ӧдва вермисны муннысӧ. «Колӧ пышйыны Израиль войтырысь, – шуисны найӧ, – ӧд Ачыс Господь на пыдди тышкасьӧ Египеткӧд».
