Петӧм 14:28 - Коми Библия 2023

²⁸ Ваыс бӧр бергӧдчис да вевттис фараонлысь вӧла-тарантаса тышкайӧзсӧ. Израильсаяс бӧрся саридз пыдӧсті вӧтчысьясысь весиг ӧти морт ловйӧн эз коль.

Петӧм 14:28 Referans Kwoze

Аввакум 3:13

Тэ петан мездыны Ассьыд войтыртӧ, дорйыны Ассьыд мавтыштӧматӧ. Тэ пасьвартан лёк вӧчысьяслысь юралысьсӧ, колян сійӧс нинӧмтӧг.

Еврейяслы 11:29

Эскӧмӧн Израиль войтыр вуджис Гӧрд саридз вомӧн. Найӧ мунісны сэті косінті моз. Египетсаяс тшӧтш на моз кӧсйисны вуджны, но ставныс вӧйисны.

Неемий 9:11

Миян батьяс водзын Тэ шӧри поткӧдін саридз, и найӧ вуджисны сійӧс косінті. На бӧрся вӧтчысьясӧс Тэ вӧйтін джуджыд саридзӧ, изйӧс моз шыбитін бузгысь ваӧ.

2 Каднебӧг 20:24

Кор иудаса тышкайӧз кайисны овтӧминса керӧс вылӧ, медым сэсянь видзӧдлыны да уськӧдчыны вӧрӧг вылӧ, вылісяньыс аддзисны сӧмын шойяс, некод абу вӧлі ловйӧн кольӧма.

Индӧд 11:4

Ныв-пиныд эз аддзывны, кыдзи Господь пӧдтіс Гӧрд саридзын египетса тышкайӧзӧс вӧвъяснас да тарантасъяснас, кор египетсаяс вӧтчисны тіян бӧрся. Господь [Ен] бырӧдіс найӧс, и тайӧ тадзи.

Петӧм 15:10

Тэ пӧльыштін, и саридзыс вевттис найӧс, свинеч моз найӧ вӧйисны джуджыд ваӧ.

Петӧм 14:13

Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Петӧм 15:19

Кор фараонлӧн вӧла-тарантаса тышкайӧзыс воисны саридз шӧрӧдз, Господь бергӧдіс гыяссӧ на вылӧ. А Израиль пиян мунісны саридз шӧрӧд косінті.

Ёрдысьяс 4:16

Варак вӧтӧдіс сылысь тарантасъяссӧ да тышкайӧзсӧ Харошет-Гоим карӧдз. Сисарлӧн став тышкайӧзыс кулісны шыпурт помысь, некод ловйӧн эз коль.

Олӧм 7:18

Ковчег кывтіс ва вывті, а ваыс му вылын содӧмӧн содіс.

Олӧм 50:9

Мунысьыс вӧлі вывті уна. Мунісны и тарантасъяс, и верзьӧмаяс.

Псалтыр 106:22

Вайӧй Сылы аттьӧалана вись, нимкодясьӧмӧн юӧртӧй Сылӧн уджъясыс йылысь!