Петӧм 14:16 - Коми Библия 2023

¹⁶ Лэпты бедьтӧ, нюжӧд китӧ саридзлань, мед саридзыс шӧри потас. Сэки Израиль пиян мунасны саридз шӧрӧдыс косінті.

Петӧм 14:16 Referans Kwoze

Петӧм 7:19

Господь шуис Мӧисейлы: «Тшӧкты Аарон вокыдлы босьтны киас бедьсӧ да нюжӧдны сійӧс египетса ваяслань – юяс, шоръяс, тыяс да быдсикас ва видзанінъяслань. Египет пасьтала ваыс лоӧ вирӧн, тадзи лоӧ весиг пуысь да изйысь вӧчӧм дозъясын».

Петӧм 14:26

Господь шуис Мӧисейлы: «Нюжӧд китӧ саридзланьыс, мед ваыс бӧр бергӧдчас да пӧдтас египетсалысь вӧла-тарантаса тышкайӧзсӧ».

Петӧм 4:20

Мӧисей пуксьӧдіс гӧтырсӧ да пиянсӧ осёлъяс вылӧ, медым мӧдӧдчыны Египет муӧ. Енлысь бедьсӧ Мӧисей босьтіс киас.

Петӧм 4:17

Босьт аслад киӧ [змейӧ пӧртлӧм] бедьтӧ. Сы отсӧгӧн тэ кутан вӧчны индысьпасъяс».

Петӧм 4:2

Господь юаліс Мӧисейлысь: «Мый тэнад киын?» Сійӧ вочавидзис: «Бедь».

Исай 10:26

Господь Саваоф кыпӧдас сы вылӧ Ассьыс орссӧ, кыдзи вӧчис мадиансаяскӧд, кор пасьвартіс найӧс Орив изкырта дорын. Сійӧ нюжӧдас Ассьыс бедьсӧ саридзлань, кыдзи нюжӧдіс сійӧс египетсаяслань.

Петӧм 7:9

«Фараон кӧ тшӧктас тіянлы петкӧдлыны шензьӧданатор [либӧ индысьпас], шу Аарон вокыдлы, мед шыбитас бедьсӧ фараон водзӧ [да сылӧн йӧз водзӧ му вылас], и беддьыс пӧрас змейӧ».

Лыд 20:11

Мӧисей кыпӧдіс кисӧ да кыкысь вачкис бедьнас изкыртаӧ, и сэтысь ыльӧбтіс ва. Войтырыс да налӧн ыж-мӧсныс пӧттӧдзныс юисны.

Петӧм 14:15

Господь шуис Мӧисейлы: «Мый тэ кевмысян Меным? Тшӧкты Израиль пиянлы водзӧ мунны.

Петӧм 17:5

Господь шуис Мӧисейлы: «Мун войтырыд водзын, тэкӧд мед мунасны некымын израильса юрнуӧдысь. Киад босьт бедьтӧ, мыйӧн тэ вачкин Нил ю ва веркӧсӧ.

Петӧм 17:6

Хорив изкырта вылын Ме сувта тэ водзӧ. Тэ вачкан изкыртаӧ, и сэтысь ыльӧбтас ва. Тайӧ васӧ мед юас войтырыд». Мӧисей вӧчис тадзи израильса юрнуӧдысьяслӧн син водзын.

Нав Исус 8:18

Сэки Господь шуис Исуслы: «Лэптӧм шытӧ веськӧд Гайлань, ӧд Ме сета сійӧс тэнад киӧ. [Тэнад кыйӧдчысьясыд мед дзик пыр петасны кыйӧдчанінсьыс.]» Исус лэптіс шысӧ карлань.

Ӧксыяслӧн 4 небӧг 4:29

Сэки Елисей шуис Гезийлы: «Вӧнясь, босьт менсьым беддьӧс да тэрмасьӧмӧн пет туйӧ. Паныдасяс кӧ тэныд кодкӧ, сыкӧд эн чолӧмась, а сійӧ кӧ чолӧмасяс тэкӧд, эн вочавидз. Менсьым беддьӧс пукты зонкаыслы чужӧм вылас».

Аввакум 3:8

Господьӧй, Тэ пуксин Аслад вӧвъяс вылӧ, Аслад тарантасъясӧн петін, медым вермыны. Юяс вылӧ ӧмӧй Тэ скӧралан, шоръяс вылӧ ӧмӧй лӧглуныд петӧ, саридз вылӧ ӧмӧй скӧрлуныд киссьӧ?