Петӧм 14:13 - Коми Библия 2023

¹³ Мӧисей шуис войтырыслы: «Энӧ полӧй. Сулалӧй да видзӧдӧй, кыдзи Господь талун мездас тіянӧс. Египетса йӧзӧс, кодъясӧс ті ӧні аддзанныд, сэсся онӧ нин аддзылӧй.

Петӧм 14:13 Referans Kwoze

2 Каднебӧг 20:17

Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

2 Каднебӧг 20:15

Яхазиэл шуис: «Иуда войтыр, Ерусалимын олысьяс да Иосафат ӧксы, кывзӧй! Господь тіянлы тадзи висьталӧ. Энӧ полӧй да энӧ тіралӧй тайӧ уна лыда тышкайӧзсьыс, ӧд тайӧ тышыс абу тіян, а Енмыслӧн.

Петӧм 14:30

Сійӧ лунӧ Господь мездіс Израиль войтырӧс египетса кипод улысь. Кор израильсаяс аддзисны саридз дорысь египетсалысь шойяссӧ,

Ӧксыяслӧн 4 небӧг 6:16

«Эн пов, – вочавидзис Елисей. – Налӧн дорысь миян дор сувтысьыс унджык».

Исай 35:4

Полысь сьӧлӧмаяслы шуӧй: «Лоӧй зумыдӧсь, энӧ полӧй! Тіян Енныд локтас да водзӧсӧн мынтысяс, Енмыс водзӧс перъяс тіян вӧсна. Сійӧ локтас да мездас тіянӧс».

Бӧрданкыв 3:26

Бур, кор чӧла виччысян мездмӧмсӧ Господьсянь.

Осий 13:4

Но Ме, Господь, Египетысь петігад нин вӧлі тэнад Ен. Меысь ӧтдор мӧд енмыс тэнад абу, Меысь кындзи мӧд мездысьыс абу.

Аввакум 3:13

Тэ петан мездыны Ассьыд войтыртӧ, дорйыны Ассьыд мавтыштӧматӧ. Тэ пасьвартан лёк вӧчысьяслысь юралысьсӧ, колян сійӧс нинӧмтӧг.

Исай 43:11

Ме – Господь, Ме кындзи мӧд мездысьыс абу.

Индӧд 20:3

Сійӧ мед шуас: ”Кывзы, Израиль! Талун ті петанныд тышӧ вӧрӧгныдлы паныд. Энӧ полӧй-тіралӧй наысь да энӧ майшасьӧй!

Лыд 14:9

Энӧ кыпӧдчӧй Господьлы паныд! И сэтчӧс войтырысь энӧ полӧй! Няньӧс моз ми ньылыштам найӧс! Дорйысьыс налӧн абу, а миянкӧд Господь. Энӧ полӧй наысь!»

Олӧм 49:18

Господьӧй, мезды, ме виччыся отсӧг Тэсянь!

Еремей 3:23

Збыльысь, идолъяслы юрбитысьяс ылӧдлӧдны асьнысӧ мылькъяс вылын, весьшӧрӧ шызьӧны керӧсъяс вылын. Збыльысь, Израильлӧн мездмӧмыс Господьсянь, миян Енсянь.

Неемий 9:9

Тэ аддзин миян батьяслысь Египетын сьӧкыдалӧмсӧ, кылін налысь горзӧмсӧ Гӧрд саридз дорын.

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Псалтыр 3:8

Кыпӧдчы, Господьӧй! Мезды менӧ, Енмӧй! Тэ жуглан мустӧмтысьяслысь тшӧка лысӧ, кисьтан лёк вӧчысьяслысь пиньнысӧ.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Матвей 28:5

Андел шыасис аньяс дінӧ: «Энӧ полӧй. Ме тӧда, ті корсянныд тувъявлӧм Исусӧс.

Исай 30:15

Господь Ыджыдыс, Израильлӧн вежа Ен, тадзи висьталӧ: – Ті кӧ бӧр бергӧдчинныд да олінныд лӧня, ті эськӧ мездминныд. Ӧд тіян вынныд лӧньлунын да Ме вылӧ лача кутӧмын. Но ті энӧ кӧсйӧй тадзи вӧчны.

1 Каднебӧг 11:14

а кӧдзӧм мусӧ видзӧм могысь тайӧ куим тышкамортыс сувтісны му шӧрас да сэні виалісны филистимсаясӧс. Тадзи Господь сетіс Израильлы ыджыд вермӧм.

Аввакум 3:8

Господьӧй, Тэ пуксин Аслад вӧвъяс вылӧ, Аслад тарантасъясӧн петін, медым вермыны. Юяс вылӧ ӧмӧй Тэ скӧралан, шоръяс вылӧ ӧмӧй лӧглуныд петӧ, саридз вылӧ ӧмӧй скӧрлуныд киссьӧ?

Осий 13:9

Тэ ачыд асьтӧ бырӧдан, Израиль, ӧд тэ кыпӧдчин Меным паныд, тэныд отсӧг Сетысьлы паныд.

Олӧм 46:3

Ен шуис: «Ме – Ен, тэнад батьлӧн Ен. Эн пов мунны Египетӧ. Сэні Ме сета тэсянь чужны унасьыс-уна войтырлы.

Петӧм 20:20

Мӧисей шуис войтырыслы: «Энӧ полӧй. Енмыс локтіс [тіян дінӧ], медым тӧдмавны тіянӧс, медым ті полінныд Сыысь да энӧ вӧчӧй мыж».

Ӧксыяслӧн 1 небӧг 11:13

Но Саул шуис: «Тайӧ лунӧ некодӧс оз ков вины, ӧд талун Господь мездіс Израильӧс».

Ӧксыяслӧн 1 небӧг 12:16

Ӧні сулалӧй да видзӧдӧй, кутшӧм ыджыдтор тіян син водзын вӧчас Господь.

Исай 7:4

Висьтав Ахазлы, мед лӧняс да оз майшась. Сылӧн лолыс мед оз нюкыртчы тайӧ тшыналысь кык сэрапомлӧн скӧралӧмысь. Мед оз пов Рецинысь да арамейясысь, мед оз пов Ремальлӧн пиысь.

Олӧм 26:24

Сэні войнас сылы петкӧдчис Господь да шуис: «Ме Ӧвраамлӧн, тэнад батьлӧн, Ен. Эн пов, ӧд Ме тэкӧд. Менам Ӧвраам кесйӧг вӧсна Ме бурсиа тэнӧ да содта тэсянь чужысьясӧс».

Псалтыр 68:21

Лёкӧдӧмыс дойдіс менсьым сьӧлӧмӧс, ме дзикӧдз жебми. Ме виччыси жалитӧм, но сійӧ эз ло, виччыси бурӧдысьясӧс, но найӧ эз тыдавны.

Псалтыр 91:8

Ентӧг олысьяс вежӧдӧны турун моз, лёк вӧчысьяс дзоридзалӧны, но найӧ бырасны пыр кежлӧ.

Осий 1:7

А Иуда войтыр дінӧ Ме лоа бур сьӧлӧма. Ме мезда найӧс, ӧд Ме Господь, налӧн Ен. Мезда найӧс, но ог ньӧввуж-шыпурт помысь, ог тыш пыр да ог вӧв-верзьӧма отсӧгӧн».