Петӧм 13:9 - Коми Библия 2023

⁹ Тайӧ тшӧктӧмыс мед лоӧ ки вылад да плешкад пуктӧм пас кодь, медым тэ эн вунӧд Господьлысь Индӧдсӧ, ӧд Господь [Ен] вына кинас петкӧдіс тэнӧ Египетысь.

Петӧм 13:9 Referans Kwoze

Индӧд 6:8

Пас пыдди кӧртав найӧс сояд да плешкад.

Лыд 15:39

Тайӧ тугъясыс тіянлы сы могысь, медым на вылӧ видзӧдігӧн ті тӧд выланыд уськӧдінныд Господьлысь став тшӧктӧмсӧ да олінныд на серти. Сэки тіян сьӧлӧм кӧсйӧмныд да синлы колӧмныд оз кежӧд тіянӧс Меысь, и ті онӧ эновтӧй Менӧ.

Петӧм 13:16

Мед тайӧ тшӧктӧмыс лоас ки вылад да плешкад пуктӧм пас кодь, ӧд Господь Аслас вына кинас петкӧдіс миянӧс Египет муысь».

Петӧм 12:14

Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Римӧ 10:8

Гижӧдыс мый висьталӧ? – Матын тэ дінӧ кывйыс, тэнад вомын да тэнад сьӧлӧмын. Тайӧ – эскӧмыслӧн кыв, мый йылысь ми висьталам.

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Матвей 23:5

Найӧ ставсӧ вӧчӧны йӧзлы петкӧдлӧм могысь: ӧшлӧны ас выланыс ыджыд кудъяс, кузьмӧдӧны паськӧм дорыш тугъяссӧ.

Индӧд 30:14

Ӧд матын тэ дінӧ тайӧ кывйыс, тэнад вомын да тэнад сьӧлӧмын, медым овны сы серти.

Петӧм 13:3

Мӧисей шуис войтырыслы: «Энӧ вунӧдӧй сійӧ лунсӧ, кор Господь вына кинас петкӧдіс тіянӧс Египетысь, и ті мынінныд нартитӧм улысь. Тайӧ лунӧ энӧ сёйӧй шоммӧдӧм нянь.

Восьтӧм 18:8

Та вӧсна ӧти лунӧ суас сійӧс став бырӧданторйыс: кулӧмыс, шогыс да тшыгъялӧмыс. Сійӧс сотасны биын, ӧд Господь Ен, сійӧс Мыждысьыс, – вына!

Йоиль 2:11

Гораа чуксалӧмӧн Господь веськӧдлӧ тышкайӧзнас, Сылӧн тышкайӧзыс лыдтӧм-тшӧттӧм, Сылӧн тшӧктӧм серти вӧчысь вына. Господьлӧн луныс ыджыд да повзьӧдана, вермас-ӧ кодкӧ ловйӧн кольны?

Еремей 22:24

«Весиг кӧ тэ, Еконей, иудаса ӧксы, Ехоякимлӧн пиыс, вӧлін Менам веськыд киын чунькытшӧн, Ме кыв сета, – висьталӧ Господь, – мый и сэки эськӧ нетшышті тэнӧ Аслам чуньысь.

Исай 51:9

Садьмы, кыпӧдчы, вынсяв, Господьлӧн ки! Садьмы важся кадӧ моз, кыпӧдчы, кыдзи важӧн вӧчлін. Эз-ӧ Господьлӧн киыс ви Рахавӧс, зэ-ӧ бытшкы саридзса гундырӧс?

Исай 49:16

Ме серпасалі тэнӧ Аслам ки пыдӧсӧ, тэнад стенъясыд – век Менам син водзын.

Исай 40:10

Со, ыджыд вынӧн локтӧ Господь Ыджыдыс, Сійӧ веськӧдлӧ вына кинас. Сыкӧд ставыс, мый Сійӧ шедӧдіс, Сылӧн син водзын ставыс, мый Сійӧ Аслыс босьтіс.

Исай 27:1

Сійӧ лунӧ Господь мыждас да Аслас повзьӧдана, ыджыд да ён шыпуртӧн пасьвартас левиафанӧс, ӧдйӧ пышйысь да нюглясьысь змейӧс, виас саридзса гундырӧс.

Шусьӧгъяс 3:21

Пиӧй, видз вежӧртӧ да мывкыдлунтӧ, эн ылыстчы наысь,

Шусьӧгъяс 1:9

Налӧн велӧдӧмыс – тэнад юр вылӧ пуктӧм мича юркытш кодь, сьылітӧ мичмӧдысь сикӧтш кодь.

Псалтыр 89:13

Господьӧй, дыр-ӧ на виччысьнысӧ? Бергӧдчы миянлань, ло бур сьӧлӧма Аслад кесйӧгъяс дінӧ.

Неемий 1:10

Господьӧй, найӧ ӧд Тэнад кесйӧгъяс, найӧ – Тэнад войтыр. Тэ мездін найӧс Аслад ыджыд вынйӧрӧн да вына киӧн.

Индӧд 6:6

Тайӧ кывъясыс, мый ме висьтала талун тэныд, мед лоӧны сьӧлӧмад.

Сьылан 8:6

Пукты менӧ печатьӧс моз аслад сьӧлӧмад, чунькытшӧс моз новлы менӧ киад. Муслуныс кулӧм кодь вына, вежӧгтӧмыс ад кодь скӧр. Сылӧн ньӧвйыс – биа ньӧв, сійӧ ыпъялысь ыджыд би кодь.

Шусьӧгъяс 7:23

Дзугйӧ шыбитчысь лэбач моз сійӧ эз тӧд, мый олӧмсӧ воштас, мый сылысь муссӧ ньӧв розьӧдас.

Петӧм 3:20

Ме лэпта киӧс да мыжда Египетӧс шензьӧданаторъяс вӧчӧм пыр. Сӧмын та бӧрын фараон лэдзас тіянӧс.

Петӧм 7:4

Фараон оз кывзы тіянӧс. Сэки Ме лэпта киӧс Египет му вылӧ да чорыда мыжда сійӧс, а Израиль войтырӧс, Ассьым тышкайӧзӧс, Ме петкӧда сэтысь.

Петӧм 13:14

Тэнад пиыд кӧ юалас, мыйла тэ тадзи вӧчан, висьтав сылы: ”Аслас вына кинас Господь петкӧдіс миянӧс Египет муысь нартитӧм улысь.

Исай 44:5

Ӧти шуас: «Ме Господьлӧн», мӧд шуас асьсӧ Яковлӧн нимӧн, а кодкӧ ки вылас гижас: «Ме Господьлӧн», и сійӧ нимтас асьсӧ Израиль нимӧн.

Петӧм 12:41

Нёльсё комын во тыран лунӧ войнас Господьлӧн став войтырыс тышкайӧз моз петіс Египетысь.

Индӧд 5:15

Эн вунӧд, мый Египетын тэ ачыд вӧлін кесйӧг туйын, но Господь, тэнад Енмыд, петкӧдіс тэнӧ сэтысь Ассьыс вына кисӧ да ён сойсӧ лэптӧмӧн. Та вӧсна Господь, тэнад Енмыд, тшӧктіс видзны шойччан лунсӧ [мед сійӧ лоас тэныд вежа].

Индӧд 6:21

Сэки вочавидз сылы тадзи: ”Ми вӧлім Египетын фараонлӧн нартитӧм улынӧсь, но Господь [Ен] Аслас вына кинас [да ён сойнас] петкӧдіс миянӧс сэтысь.

Ёрдысьяс 2:12

Найӧ эновтісны Господьӧс, батьясныслысь Енсӧ, коді петкӧдіс найӧс Египетысь. Найӧ пондісны юрбитны на гӧгӧр олысь войтыръяслӧн енъяслы. Тадзи скӧрмӧдісны Господьӧс.

Даниил 9:15

Господьӧй, миян Енмӧй, Аслад вына кинад Тэ петкӧдін Ассьыд войтыртӧ Египетысь. Тэ шедӧдін Аслыд нималӧм, и ӧніӧдз Тэ нималан, но ми мыж вӧчим да олім лёкнога.